رێڤەبەرێ پەکەکێ حەیدەر ڤارتۆ ل قامشلۆ ھات ئارمانج کرن

ھاتە ئیدیعاکرن کو رێڤەبەرێ پەکەکێ حەیدەر ڤارتۆ ھەیڤا دەرباس بوویی ل قامشلۆ ھاتییە ئارمانجکرن. ئیدیعا ژ ئالیێ ئاژانسا ئانادۆل ھاتە بەلاڤ کرن.

ئاژانسا ئانادۆل دایە دیارکرن کو ئەنگین کاراسلان ب کۆد ناڤێ حەیدەر ڤارتۆ ل قامشلۆ د ئۆپەراسیۆنەکا ھەڤبەش یا میتێ و تەسەکێ دا ھاتییە ئارمانجکرن. ل ڤێ ئاژانسێ دا ھاتە دیارکرن کو ئەنگین کارئاسلان ژ ئالیێ وەزارەتا ناڤخوە یا ترکیێ ب لیستا سۆر دھاتە لێگەرینکرن.

19ێ ھەیڤا تەباخێ خەبەر بەلاڤ ببوو کو ل سەر رێیا حەسەکێ و قامشلۆ M4 کەسایەتیەک ژ لایێ فرۆکەیێن بێ فرۆکەڤان ڤە ھاتییە ئارمانجکرن و تێدا سێ کەس ھەبوون. لێ بەلێ پەکەکێ ل سەر ڤێ یەکێ چ زانیاریەک بەلاڤ نە کر. ژ ئالیێ پەکەکێ و یەپەگێ ڤە چ داخویانی ل سەر ڤە یەکێ نەهاتنە بەلاڤ کرن.

ئەنگین کاراسلان کییە؟

ئەنگین کاراسلان خەلکێ باژارۆکێ ڤارتۆ یێ گرێدایی مووشێ یێ باکورێ کوردستانێ یە. ئەو سالێن 1980یێ تەڤلی رێزێن پەکەکێ بوویە. ئەو کەسەک زەوجییە و لگەل ھەڤژینا خوە دا بەشداری ناڤا ریزێن پەکەکێ بوویە. ھەڤژینا وی زینەت کاراسلان ژی سالا 1991ێ ل باژارێ وانێ د پەڤچوونەکێ دا ژیانا خوە ژی دەست دایە.

حەیدەر کاراسلان سالێن 1990ێ ل سووریێ پەروەردا ئۆجالان دیتییە. ل ئامەدا باکورێ کوردستانێ، مووشێ و ل ئامانۆسێ بەرپرساریەتی وەرگرتیە.

سالێن 2000ێ ژی رێڤەبەرێ پەکەکێ یێ ئەرمەنستانێ بوویە.

حەیدەر ڤارتۆ- ئەنگین کاراسلان وەک ئەندامێ دیوانا داد یا کەجەکێ ئەرک وەرگرتیە. پشتی 2014ێ پێڤە ل رۆژئاڤا و شەنگالێ کار کریە. ل رۆژئاڤا بەرپرسێ دادگەهێ، گومرک و کارێن جور ب جور بوویە.

دهێتە ئیدیعا کرن کو جارا یەکێ یە ترکیا کەسەکێ د ڤی ئاستی دا بلند ل رۆژئاڤا ئارمانج دکەت.