هات هین بوون هن چەکدارێن بەرێ یێن کو د ناڤا رەفێن رێخستنا تەرۆری یا داعشێ دا بوون و هن ژ وان د ڤێ رێخستنێ دا خوه‌دی ئه‌رك و به‌رپرسیاری بوون، نها د ناڤا رەفێن پەکەکێ دا جی گرتنه و وەکە گەریلا د ناڤا پەکەکێ دا ئەرک پێ هاتنه دان.
چاڤکانیێن تایبه‌ت یێن پێگەها «دارکا مازی» ئەشکەرە کرن، هن کەسێن کو بەرا نها چەکدارێن رێخستنا تەرۆری یا داعشێ بوونە، پشتی تێكبرنا ڤێ رێخستنێ ل ئیراقێ، نها د ناڤا یه‌كینه‌یێن به‌رخوه‌دانا شه‌نگالێ یه‌به‌شێ و یه‌كینه‌یێن پاراستنا گه‌ل یه‌په‌گێ، یێن گرێدای په‌كه‌كێ ل شه‌نگالێ و رۆژئاڤا كوردستانێ هاتنه چه‌كدار كرن.
په‌كه‌كێ ئه‌ڤ ته‌رۆریستێن داعشێ د ناڤا رێزێن یه‌به‌شێ و یه‌په‌گێ دا وه‌ك چه‌كدار و كادر وه‌رگرتینه
چاڤکانیێن مە ئەشکەرە کرن، هەر یەک ژ «محسن عه‌لی مسلح ، خه‌میس عه‌لی مسلح، حه‌سه‌ن عه‌لی مسلح، قه‌حتان محه‌مه‌د مسلح وعه‌دنان مسمد مسلح» کو ژ گوندێ مەیدان یێ سەر ب شه‌نگالێ ڤه نە و ژ عەشیرا زێدانن، ل سالا 2014ێ تەڤلی رەفێن رێخستنا تەرۆری یا داعشێ ببوون، لێ بەلێ، پشتی ئازاد کرنا شەنگالێ، ئەڤ کەس چوونە رۆژئاڤایێ کوردستانێ و تەڤلی رەفێن یەپەگێ بوونە، نها ژی ڤەگەرینە شەنگالێ و د ناڤا یەبەشێ دا جی دگرن.
چاڤكانیێن مه ئه‌شكه‌ره كرن، ئه‌ڤ كه‌سێن ناڤبووی نها ل خالا پشکنینێ یا ب ناڤێ «شلۆ» ل چیایێ شەنگالێ وەکە چەکدارێن یەبەشێ کار دکه‌ن.
یەک دن ژ وان کەسێن کو پێش نها د ناڤا رەفێن داعشێ دا بوو و نها د ناڤا پەکەکێ دا یه، «ئەحمەد خزر ئەحمەد عەلی» یە کو ب «ئەحمەد خزر سلێمان – ئەحمەد مەلا – ئەحمەد ئەل مولا» تێ ناسکرن، ئەڤ کەس پێش نها د ناڤا داعشێ دا وەکە ئیستیخبارات تەڤ گه‌رییایه، نها د ناڤا پەکەکێ دا ب کۆد ناڤێ «زەکۆر» تێ ناسکرن، ئەو بەرا هاتنا داعشێ ژی د ناڤا مووسلێ دا وەک پۆلیسێ ئیراقێ د شۆغلی.
چاڤکانیێن پێگەها «دارکا مازی» هەروەها ئەشکەرە کرن، هەر یەک ژ «عه‌لی حه‌مید ئه‌حمه‌د ئیبراهیم، هه‌زاع عگلە محمد شه‌رقی، هندی ئه‌حمه‌د شه‌رقی، محه‌مه‌د جاسم محه‌مه‌د شه‌رقی، صفوک قاسم زه‌کو، هیبە فه‌رحان قاسم زه‌کو، عه‌لی عه‌سل خه‌له‌ف ئه‌ل راشدی و یاسر مهیدی عیادە زاهر» کو ژ گوندەوارێن رۆژئاڤایێ سنوونێ نە و ب نەتەوه عەرەبن، بەرا نها داعشی بوونە و نها د ناڤا رەفێن پەکەکێ دا جی كرتنه، ئەڤ کەس ژ هێلا سازییا دژە تەرۆرا کوردستانێ ڤە وەکە تەرۆریست داخواز کرینە و بریارا گرتنا وان هاتییە دەرکرن.
چاڤکانیێن مە هەروەها ئەشکەرە کرن، هن کەسێن دن یێن ناسکری نها وەکە چەکدارێن پەکەک خوەیا دکه‌ن، لێ بەرێ ئەو چەکدارێن داعشێ بوونە، ئەوژی ئەڤن:
محەمەد مەلا ئەلسەبعاوی، ژ گوندێ «ئوم زبیان-بەعاج»، بەرا نها چەکدارێ داعشێ بوویە و نها د ناڤا رەفێن یەبەشێ دا ل سنوونێ یه.
سەباح خلیف عوبەید ئەل بجاری، ژ گوندێ «حەساویک – سنوونێ»یە، بەرا نها چەکدارێ داعشی بوویە و نها د ناڤا رەفێن چەکدارێن پەکەکێ دا ل هەرێما حەساویک ئەرک هه‌یه.
جاسم محەمەد ئەحمەد، یێ بەرنیاس ب «جاسم محەمەدوک» کو د ناڤا پەکەکێ دا ب کۆدناڤێ «پۆلات» تێ ناسکرن، ژ گوندێ ئەلحەسۆ یێ سەر ب سنوونێ ڤه یە، بەرا داگیرکرنا شەنگالێ ئەڤ کەس تەڤلی رەفێن داعشێ دبیت، پشتی ئازاد کرنا شەنگالێ، چوویە سووریێ و تەڤلی رەفێن یەپەگێ بوویە، ئەو نها د ناڤا رەفێن یەبەشی دا یه و ژ هێلا ئاساییشا نشتیمانی یا ئیراقێ ب زاگۆنا تەرۆرێ هاتییە داخواز کرن.
سعوود سلێمان ئەلسنعوسی، ژ «تل کۆچەر- گوندێ بریالحلو» بەرا نها د ناڤا جەبهەت ئەلنوسرە دا بوو، نها د ناڤا پەکەکێ دا یە و د نێڤبەرا سووریێ و ئیرانێ دا قاچاخچیتیێ دکەت.
ئەحمەد عەسەد خەلەف ئەل راشدی، ل سالا 2014ێ د ناڤا داعشێ دا بوویە، ئەو شۆفێرێ ترۆمبێلێن داعشێ بوویە، نها د ناڤا یەپەگێ دا ل رۆژئاڤایێ کوردستانێ یه، ئەو ژی د نێڤبەرا سووریێ و ئیراقێ دا قاچاخچیتیێ دکەت.
ئەڤ ژی لیستا ناڤ و زانیاریێن هن کەسێن دی نە کو د ناڤا رەفێن رێخستنا تەرۆریستی یا داعشێ دا بوونە و نها بوونە چەکدار و کادرۆیێن پەکەکێ:
