ئەردۆگان: ئه‌مه‌ریكا ئەم نەچار کرن S-400 ژ رووسیا بکرن
سه‌رۆككۆمارێ تركیێ راگهاند، ئەردۆگان دەستنیشان کر، کرینا ترکیێ بۆ سیستەما بەرەڤانییا ئاسمانی ژ رووسیایێ، باندۆر ل سەر په‌یوەندیێن ترکیێ و ئه‌مه‌ریكایێ کر.
رەجەب تایب ئەردۆگان راگه‌هاند، ئه‌مه‌ریكا رەد دکە سیستەمێن پاتریۆت بفرۆشیته ترکیێ، ژ بەر وێ ژی ترکیە نەچار ما کو بچیتە رووسیایێ و سیستەما بەرەڤانیا ئاسمانی S-400 بکریت.
ئەردۆگان د هەڤپەیڤینەکێ دا بۆ رۆژنامەیا «نیۆیۆرك تایمز» گۆت: ئەگەر ئه‌مه‌ریكییان سیستەمێن پاتریۆت فرۆتبانه ترکیێ، ترکیە نەچار نەدبوو مووشەکێن S-400 ژ رووسیایێ بکریت.
دەستنیشان کر ژی، کرینا ترکیێ سیستەما بەرەڤانیا ئاسمانی ژ رووسیایێ، باندۆر ل سەر په‌یوەندیێن ترکیە و ئه‌مه‌ریكا کر.
ئەردۆگان گۆت: مافێ مە هەیە ل گۆری تشتێن کو ئەم گونجای دبینن، شیانێن خوە یێن پاراستنێ خورت بکه‌ین.
رێکەفتنا مووشەکی یا S-400 د ناڤبەرا ئەنقەرە و مۆسکۆیێ دا یەک ژ سەدەمێن سەرەکی یێن ئالۆزییا د په‌یوەندیێن ئه‌مه‌ریكا و ترکیێ دا یە، هەروه‌ها ئه‌مه‌ریكا ژی پتری جارەکێ نیگەرانییا خوە نیشان دا و دیت کو ئەڤ پەیمان، هەڤکارییا لەشکەری – تەکنیکی یا د ناڤبەرا هەڤکارێن ناتۆیێ دا سنۆردار دکەت.
