باله‌فرێن جه‌نگێ یێن ده‌وله‌تا ترك، چیایێ مه‌تینی یێ باشوورێ كوردستانێ بۆردۆمان كر، 3 گه‌ریلا كه‌تن به‌ر هێرشێ و گیانێ خوه ژ ده‌ست دا.
ل گۆری ئاگاهیێن كو وه‌زاره‌تا به‌ره‌ڤانیێ یا تركیێ به‌لاڤ كرنه، د هێرشا رۆژا دوشه‌مبییا رابووری دا 27/9/2021ێ، باله‌فران لڤ و ته‌ڤگه‌را په‌كه‌كێ ل چیایێ مه‌تینی، بۆمبه‌باران كر و د ئه‌نجامێ دا، 3 چه‌كدارێن رێخستنێ هاتنه هه‌ده‌ف كرن.
رێخستنا په‌كه‌كێ ل ده‌ربارا هێرشێ چ ئاگاهی نه‌دانه، لێ به‌لێ ئیرۆ ناسنامه‌یا گه‌ریلایه‌كی راگه‌هاندییه كو ل ئامه‌دێ گیانێ خوه ژ ده‌ست دا یه.
هه‌ر یێك ژ ده‌وله‌تا ترك یا داگیركه‌ر و رێخستنا په‌كه‌كێ، رۆژانه ئامارا زیانێن گیانی یێن هه‌ڤ به‌لاڤ دكه‌ن، هه‌ر یێك ژ هێلا خوه ڤه دبێژیت مه ئه‌و قاس كوشتنه، لێ به‌لێ زیانا شه‌ر ته‌نێ ژ بۆ خه‌لكێ باشوورێ كوردستانێ یه، ژ به‌ر كو ب ئه‌گه‌را ڤی شه‌ری ب ده‌هان گوند و ناڤچه ته‌نێ د سالا رابووری دا چوول مانه و ژ خه‌لكێ هاتنه ڤالا كرن.
