بهرپرسێ پهكهكێ «محهمهد خهتیب ئارتورك» هاته كوشتن
بهرپرسێ رێخستنا پهكهكێ یێ ناڤچهیا كهركووكێ، «محهمهد خهتیب ئارتورك» د هێرشهكا بالهفرێن تركیێ دا ل چیایێ قهندیلێ هاته كوشتن.
ئاژانسا فەرمی یا ترکیێ بێیی کو ئاماژە ب دەما ئۆپەراسیۆنێ بکە بهلاڤ كرییه، د ئۆپهراسیۆنهكا ههڤبهش یا میتێ و ئارتێشا تركیێ دا، بهرپرسێ پهكهكێ یێ ب ناڤێ «محهمهد خهتیب ئارتورك» و كۆدناڤێ «دهلیل سێرت»، ل چیایێ قهندیلێ هاتییه كوشتن.
ل گۆر زانیاریێن کو ئاژانسا ئانادۆلێ بهلاڤ كرنه، محهمهد خهتیب د گەلەک هێرشێن ل دژی هێزێن ترکیێ یێن ب مووشەک و چەکێن گران دا بەشدار بوویە.
ئاژانسا فەرمی یا ترکیێ هەروهها دایە خویاکرن، کو ئارتورك ل سالا 2015ێ ل باژارێ عهفرینێ یێ رۆژئاڤا كوردستانێ بوو و پشتره ل سالا 2016ێ ل کەرکووکێ بوویە و ژ بۆ پهكهكێ چەکێن گران دابین دكرن.
دەربارێ مژارێ دا پهكهكێ و مەدیایا نێزیکی وێ هێژان چ تشتەک ل سهر كوشتنا ڤی بهرپرسێ خوه بەلاڤ نەکرنە.
دهلیل كی یه و چ ناكۆكی دگهل ئالدار خهلیل ههبوون؟
ل گۆری ئاگاهیێن تایبهت یێن پێگهها داركا مازی، محهمهد خهتیب ب ناڤێ ڤی «دەلیل تەمەل» ژی دهات ناس كرن و ئهو بهرپرسیارێ كهركووكێ یێ كارێ سیاسی یێ پهكهكێ بوو.
دهلیل ژ بۆ دهما سێ سالان ل ئهرمهنستانێ هاتییه زیندان كرن، ل رۆژئاڤایێ كوردستانێ مایە و ناکۆکی د ناڤبەرا وی و ئالدار خەلیل دا هەبوون ژ بهر ڤێ سهدهمێ ئهو ژ رۆژئاڤا ڤهگهری كهركووكێ.
ل دەما کەرکووک کەتی، دهلیل ل گهل هنهك بهرپرسیارێن دن یێن رێخستنا پهكهكێ ب رێیا حهشدا شهعبی دهرباسیی مهخموورێ بوون.
وی حهز ژ كهچهكێ دكر، ههروهها د خواست دەرکەڤە، لێ ئەو کەچ د بوو ئاستەنگ و ئەو ژ بەر وێ کهچێ مابوو و هەیا بهری كوشتنا وی ژی، حالێ وی ئەو بوو.
