شاندا كانديدێن پارتییا ده‌مۆكرات یا كوردستانێ ئیرۆ كو د خواست ده‌رباسی شه‌نگالێ و مه‌زارگه‌ها شه‌رفه‌ددین ببن، ژ هێلا چه‌كدارێن یه‌به‌شێ و په‌كه‌كێ ڤه كو جلێن سڤیلان ل خوه كربوون هاتن ئاسته‌نگ كرن.
ل گۆری ئاگاهیێن ده‌ستێ مه، ئیرۆ رۆژا شه‌مبی 2/10/2021ێ شاندا كاندیدێن په‌ده‌كێ ژ بۆی هلبژارتنێن پارلمه‌نتۆیا ئیراقێ د خواست ل شه‌نگالێ كارێن خوه یێن هلبژارتنێن پارلمه‌نتۆیا ئیراقێ بمه‌شینن، لێ به‌لێ ژ هێلا رێخستنا په‌كه‌كێ و چه‌كدارێن وێ ڤه، ئه‌ڤ شاند هات ئاسته‌نگ كرن.
رێخستنا په‌كه‌كێ ته‌ڤی كو ژن و زارۆكێن شه‌نگالێ ب دارێ زۆرێ ده‌رخستن جادده‌یان و ئه‌و وه‌كه مه‌رتال ژ بۆ پێشی گرتنا ل شاندا په‌ده‌كێ ب كار ئانین، هه‌ر ئیرۆ چه‌كدارێن یه‌به‌شێ و په‌كه‌كێ ب جلێ سڤیل هاتنا شاندا په‌ده‌كێ ئاسته‌نگ كرن.
د ڤێ ده‌ربارێ دا، قاسم شه‌شۆ فه‌رماندێ هێزا پێشمه‌رگه‌هان یا شه‌نگالێ ئاخڤی و گۆت كو گه‌لێ ئێزدی پڕ ژ ڤان هه‌ول و پێشی گرتنێن په‌كه‌كێ دلگران بوونه.
