د 24 ساعه‌تێن رابووری دا، ئامارێن شه‌رێ په‌كه‌كێ و تركیێ ل باشوورێ كوردستانێ ب ڤی ئاوایی نه، 12 گه‌ریلا ل ئاڤاشینێ كه‌تنه به‌ر رۆكێتێن باله‌فران و جان دان، په‌كه‌كه ژی دبێژه مه چالاكی ل وێرێ خورت كرنه.
وه‌زاره‌تا به‌ره‌ڤانیێ یا تركیێ د داخویانییا خوه یا هه‌ری داوی دا كو دوهی رۆژا دوشه‌مبی 4/10/2021ێ دایه، دبێژیت: ئارتێشا تركیێ ل ئاڤاشینێ هێرشا ئاسمانی ل دژی په‌كه‌كێ ئه‌نجام دا، گوره‌زكێ هه‌ری گران ب رێخستنێ كه‌ت، 12 چه‌كدارن هاتن ئیمها كرن.
د ڤێ ده‌ربارێ دا په‌كه‌كێ ل هه‌مان رۆژێ داخویانی دا و چ ئاگاهی ل ده‌ربارا وه‌نداهیێن خوه یێن ئاڤاشینێ نه‌دانه و ته‌نێ گۆتییه كو مه چالاكی ل وێرێ خورت كرنه.
ئارتێشا تركیێ و په‌كه‌كه رۆژانه یان هه‌ر ل ناڤبه‌را دو رۆژان ئامارا زرارێن جانی یێن هه‌ڤ پارڤه دكه‌ن، لێ به‌لێ ئه‌ڤ ئامار ژ هێلا چ سازیێن سه‌ربخوه نایێن پشت راست كرن.
