نەتەوەیێن یهكگرتی پشراست دکەت کو 7 کاربدەستێن وان یێن کارێن مرۆڤاهی ژ ئالیێ ئەتیۆپیا ڤە هاتن دەرسنۆر کرن.
رۆژا پێنجشهمبا رابووری، حکوومەتا سەرۆکوەزیر ئابی ئاحمەد، 72 ساعهت دابوون کاربدەستێن نهتهوهیێن یهكگرتی کو ژ ئەتیۆپیایێ دەرکەڤن.
حکوومەتێ ئیدیعا کر کو ئەو تەڤلی کارێن ناڤخوە یێن وەلات بووینە و وان ب کریارێن دی ژی تاوانبار دبینن.
پەیڤدارێ نهتهوهیێن یهكگرتی فهرحان حهق گۆت: ژ بۆ مە گرنگه کارمەندێن مە کارێ خوە د ناڤ ئەولەهیێ دا بکهن و گەر ئەم نکارن وان شەرتان پێک بینن، دڤێت ئەم گاڤێن دی بهاڤێژین
سكرتێرێ گشتی یێ نهتهوهیێن یهكگرتی ئانتۆنیۆ گۆتێرێس ژی گۆت کو ئەو ژ ڤێ ههنگاڤا ئابی«حێبهتی» مان.
نەتەوەیێن یەکبوویی دیار كر، چ بنگەها یاسایی نینه کو ئەتیۆپیا کاربدەستێن وێ دەرسنۆر بکەت، هێژای گۆتنێ یه کو کارمەندێن نهتهوهیێن یهكگرتی، د بن یاسایێن ناڤنەتەوی دا تێن پاراستن.