چەکدارێن پەیەدێ بابێ زارۆکەکا رەڤاندی ژی رەڤاند!

چەکدارێن پەیەدێ بابێ زارۆکەکا رەڤاندی ژی رەڤاندن!

ئیستخباراتا پەیەدێ عومران عەلیکۆ بابێ زارۆکا بچووک رەوان عەلیکۆ ژ ناڤەندا باژارێ دربێسیێ یێ سەر ب پارێزگەھا حەسەکێ رەڤاندن.

د دەربارێ ڤێ یەکێ دا، چاڤکانیەک ئاگاھدار ژ مالباتا عەلیکۆ ژ مالپەرا ئەنەکەسێ را، دیار کر و گۆت:

ئستیخباراتا پەیەدێ، ب سەرپەرەشتیا رێخستنا جوانێن شۆرەشگەر، عومران عەلیکۆ، بابێ زارۆکا بچووک و رەڤاندی رەوان عەلیکۆ، د ناڤا بازارێ باژارێ دربێسیێ رەڤاندن، ب بەھانەیا کو ئالیکاریا کەچا خوە کر کو وێ ژ ناڤ رێزێن جوانێن شۆرەشگەر قاچاخ بکەت ئانکو وێ ژ ناڤ وان دەرخینیت.

ھەروھا چاڤکانیێ دەستنیشان کر کو عومران ھێژ  ژی ل جەم ئیستیخباراتا پەیەدێ یە، ئەو وەکی دیلەکێ د دەستێن رێخستنا جوانێن شۆرەشگێ دایە، و ئەو تەنێ دکاریت ب بریارەکا ڤێ رێخستنێ بهێتە بەردان.

چاڤکانی ب ڤی رەنگی ئاخاڤتنا خوە بەردەوام کر: دو دەمژمێران پشتی رەڤاندنا عومران، دو خۆرت و دو کەچێن ژ رێخستنا جوانێن شۆرەشگەر ئێریشی مالا عومران کرن، تێلەفۆنا ژنا وی و ھەمی تێلەفۆنێن ل مالێ دزین، و گۆتنێن بێ ئەخلاق کرن، و مالبات تاوانبار کرن کو رەوان قاچاخ کریە. و ئەو رادەستی دەستدرێژیا ترکیێ کریە، و ئەڤ ھەموو ل بەر چاڤێن ھەموو خەلکێن تاخێ ئەڤ کار کرن. لێ دایکا رەوان عەلیکۆ ب زۆرا خوە تەلەفۆنێن خوە ژ ناڤ دەستێن وان دەرخستن.

ژێدەرێ ھەروەھا مەترسیا مالباتێ ل سەر چارەنڤیس و ژیانا رەوانێ ئانی زمان، ژبەرکو رێخستن خوەدان دیرۆکەکا درێژە د کوشتنا خۆرت و بچووکان دا، “جوانێن شۆرەشگەر” یان وان زارۆکا تێخنە ناڤ شەرێن تێکبرنێ دا کو وان ژ ناڤ ببەت، یانژی ئەو ب خوە ب سەدەمێن جودا ب دەستێ خوەژ ناڤ دبەن و پشترا مالباتێن وان ب رەڤاندن و قاچاخکرنا وان تاوانبار دکەن.

ژ دەستپێکا رەڤاندنا رەوان عەلیکۆ کەچا زارۆک د 8/10/2020ێ دا، ژ ئالیێ ئاسایشێ ژنا عومران عەلیکۆ داخواز دکەت کو کەچا وێ ژ بۆ قۆتابخانەیێ و ناڤ مالباتا وێ بهێتە ڤەگەراندن، و ئاساییشێ و نوونەرێن رێڤەبریا پەیەدێ بەردەوام رەد دکر.

بەلێ، وان چارەنڤیسا وێ پاشگوھ کرن، و د زانیاریێن کو عومران پێشکێشی ھەمی دەزگەھێن راگھاندنێ کری، د ناڤ وان دەزگەهان دا Yekîti Media, R-ENKS و پرانیا کەنالێن کوردی، بەلگە، دەلیل، ناڤێن کەسێن کو هاتینە رەڤاندن، و جھێ وێ د دەستپێکا رەڤاندنێ دا هاتبوونە دیارکرن.

ھەروھا عومران عەلیکۆ ،چالاکیا روونشتنێ لگەل چەند مالباتێن دی دا کو زارۆکێن وان ژی هاتنە رەڤاندن ل بەر ناڤەندا ژنان یا ئاساییشێ ل عاموودێ ئەنجامدا کو کەچا خوە ڤەگەرینن، ھندەک ژ وان ھاتن ڤەگەراندن، لێ چارەنووسا رەوانێ هەتا نها نەدیارە.

پوستێن ھەمان بەش