ئیسرایلێ ب مۆشەکان ئێریشی بنگەھەکێ ئەسمانی یێ سووریێ کر

ئیسرایلێ ب مۆشەکان ئێریشی بنگەھەکێ ئەسمانی یێ سووریێ کر و د ئەنجامێ دا 6 سەربازێن سووریێ بریندار بوون.

ئاژانسا سانا یا حکوومەتا سووریێ دیار کر، شەڤا بۆری دەردۆرا دەمژمێر 21:00، ئیسرایلێ ھەژمارەکا مۆشەکا ئاراستەیی بالافرخانەیا T4 ل گوندەوارێ ھومسێ یا ل ناڤەراستا سووریێ کر.

زانیاریان ئاشکەرا کر، د ئەنجاما وێ ئێرشێ دا، 6 لەشکەر بریندار بوون و زیانەکا مادی ژی گەھشتە وێ بنگەھا سەربازی.

ل گۆر چاڤکانیێن خوەجھی، ئێریشێ جھێ عەمبارکرنا درۆنان ل ناڤا وێ بالەفرخانەیا سەربازی کریە ئارمانج.

ئیسرایلێ بەرپرسیارەتیا خوە ژ ئەنجامدانا ئێریشێ رانەگھاندیە، لێ دیار دکەت، ئەو رێ نادەن ئیران پێگەھا خوە ل سووریێ بھێز بکەت.