باله‌فرێن جه‌نگێ یێن ده‌وله‌تا ئیراقێ ئیرۆ لڤ و ته‌ڤگه‌را ته‌رۆریستێن داعشێ ل سینۆرێ خانه‌قینێ هه‌ده‌ف كر، هه‌ژماره‌كه ته‌رۆریستان كوشتن.
شانه‌یا مه‌دیایا جه‌نگێ گرێدای وه‌زاره‌تا به‌ره‌ڤانیێ یا ئیراقێ ئیرۆ رۆژا شه‌می 9/10/2021ێ، ئه‌شكه‌ره كر، فه‌رماندارییا هه‌ڤبه‌ش و باله‌فرێن جه‌نگێ یێن ئیراقێ، پێگه‌هه‌كه ته‌رۆریستێن داعشێ ل باشوورێ خانه‌قینێ هه‌ده‌ف كر.
ده‌ست نیشان كر، هه‌ژماره‌كه ته‌رۆریستان كو د ئێریشێ ده كو ل ناڤچه‌یا ب ناڤێ «وادی سه‌لاب» یا باشوورێ خانه‌قینێ پێكهاتییه، كه‌تنه به‌ر رۆكه‌تێن باله‌فران و هاتنه كوشتن.
