په‌كه‌كه رێنادە خه‌لك بچن ل شنگالێ دەنگی بده‌ن
چەکدارێن په‌كه‌كێ و میلیشیایێن وێ، ئیرۆ رێ ل به‌ر خه‌لكی گرتن و نه‌هێلان وەلاتی بچن شنگالێ دەنگێ خوە بده‌ن نوونەرێن خوە.
چەکدارێن په‌كه‌كێ و میلیشیایان ل رێبەندێن ل سەر رێیا شنگالێ ئاستەنگی و پرسگرێ بۆ وەلاتیێن شنگالێ چێدكه‌ن، ژ بۆ كو نەچن دەنگێ خوە بده‌ن نوونەرێن خوە یێن پارلمه‌نا ئیراقێ.
ل گۆر گرتەڤیدیۆیەکێ کو كوردستان24ێ به‌لاڤ كرییه، هەژمارەک ژ خەلکێ ل نێزیکی رێبەندا شنگالێ راوەستیانە و دبێژن کو چەکدارێن په‌كه‌كێ رێ نادەن وان ئەو بچن شنگالێ دەنگێ خوە بده‌ن.
د دەما بانگەشەیا هلبژارتنێ دا ژی، چەکدارێن په‌كه‌كێ رێ نەدابوو 3 کاندیدێن پارتییا دەمۆکراتا کوردستانێ بچن شنگالێ.
