بەرپرسەکێ کۆمیسیۆنا بلندا سەربخوەیا ھلبژارتنا ئیراقێ ئاشکەرا کریە پرۆسەیا ھلبژاردنێ ل پارێزگەھا ھەولێرێ ب باشترین ئاوایی برێڤەچوو، نە پێشلکاری ھەبوو، نە ئێرشا بۆ سەر بارەگەھا دەنگدانێ، نە شکەناندنا ئاموورێن دەنگدانێ و نە ژی پرسگرەکێکا ئەمنی.
پشتی ب داویبوونا پرۆسەیا دەنگدانێ ژ بۆ ھلبژاردنا پارلەمانتۆیا ئیراقێ، بەردەڤکێ کۆمیسینا بلندا سەربخوەیا ھلبژارتنا ئیراقێ ل ھەولێرێ ئەحمەد مازن سامەڕایی راگهاند: “ئیرۆ ھلبژاردن ل پارێزگەھا ھەولێرێ ب باشترین ئاوایی بەرێڤەچوو، نە سەختەکاری ھەبوو، نە ئێرشکرنا سەر بارەگەھا دەنگدانێ، نە شکاندنا ئامێرا دەنگدانێ و نە پرسگرێکا ئەمنی، ئاتمۆسفەرا ھلبژاردنێ گەلەکی گەلەکی باش بوو.”
ھەروھا ئەحمەد مازن ساماڕەیی دا زانین کارمەندێن کۆمسیۆنێ گەلەکی ھەست ب ئاسوودەیی کریە، چونکە ھیچ پرسگرێکەک و ھیچ فشارەک ل سەر کۆمسیۆنێ نەبوویە.
ھەروھا ئەحمەد مازن سامارەیی ل سەر کارنەکرنا ئامارێن دەنگدانێ ژی گۆت: “سەرێ سبەھێ ل ھندەک ئامێرێن دەنگدانێ ژ کار کەتبوون، ھەموو ھاتن چارەسەر کرن. پشتی نیڤرۆ ھیچ ئامێرەک ژ کار نەکەت و دەنگدەران ب ئاسوودەیی دەنگێن خوە دانە. “
ئەحمەد مازن سامەڕایی ئەڤ یەک ژی ئاشکەرە کر کو ھیچ سەرپێچییەک نینە و ھیچ سکالایەک تۆمار نەبوووە و ھیچ سکالایەک ژی ژ بۆ ئۆفیسا ھەولێرێیا کۆمسیۆنێ نەچوویە.
