وەزیرێ پاراستنا ناڤخوە یێ یه‌ونانستانێ رۆژا یەکشەمبێ گۆت: «250 زێرەڤانێن دی دێ ل سەر سنۆرێ ل گه‌ل ترکیێ هێنه بجهـ کرن، ژ بۆ كو رێ ل په‌نابه‌ران بێ گرتن زێده‌تر ده‌رباس نه‌بن».
وەزیرێ پاراستنا ناڤخوەیی تاکس تیۆدۆرکاکۆس د سەره‌دانا خوە یا ل سەر سنۆرێ هەرێما کاستانەسێ دا گۆت: «ئەم ئامادەنە، ئەم هێزێن ئەولەهیێ زێدە بكه‌ن و 250 زێرەڤانێن نوو دێ بۆ سەر سنۆری هێن شاندن ژ بۆ كو پشتگرییا پۆلیسێن یه‌ونانێ بكه‌ن».
هێژا گۆتنێ یه، د سالا رابووری دا، ب دەهان هەزار کۆچبەر بەر ب یەونانیستانێ ڤە چوون پشتی سەرۆکۆمارێ ترک رەجەپ تایب ئەردۆگان گۆت کو ئەو دێ ده‌ری ژ بۆی کۆچبەرێن کو دخوازن بگه‌هن یەکێتییا ئەورۆپایێ ڤه‌كه‌ن.
ب رۆژانه پەڤچوون دگەل پەناخوازان ل سەر سنۆر چێدبن و پۆلیسێن یەونانی هەڤکارێن خوە یێن ترک ب هاڤێتنا گازا رۆندکرێژ ل دژی وان تاوانبار کرن.
پشتی وان بوویەران، یه‌ونانیستانێ ل دژی کۆچبەریێ وەبەرهێنانێن نوو دەستپێ کرن، وەکی دانینا کامیرایان، راداران و چێکرنا په‌رژانی.
