رێخستنا تەڤگەرا ئازادی یا سەر ب پەکەکێ ڤە د ھلبژارتنا 4 کاندیدێن سەربخوە دا کو ژ بۆ ھلبژارتنێن پارلەمانا ئیراقێ بەربژار کربوون ب سەر نەکەت. د ھەمان دەمی دا، کاندیدێ پەکەکێ یێ ژ پارتیا PADE یێ ل شەنگالێ نەکاری ب سەر بکەڤیت.
ئەنجامێن دەستپێکی یێن ھلبژارتنێن گشتی یێن پێشوەخت یێن کو دوھی ل ئیراق و ھەرێما کوردستانێ ھاتنە کرن، ژ ئالیێ کۆمیسیۆنا بلندا سەربخوەیا ھلبژارتنان ڤە ھاتن ئاشکەراکرن.
تەڤگەرا ئازادی یا پەکەکێ ژی ب 4 کاندیدێن سەربخوە یێن ژ سلێمانی و کەرکووکێ بەشداری ھلبژارتنێ بوو.
ھاتە ھینبوون کو دەنگێن محەمەد حەسەن یێن ژ بازنەیا 4 یا سلێمانیێ، رۆناک مەجید ژ بازنەیا 2، یوسرا رەجەب ژ بازنەیا 5 و شیرین عەبدوللا ژ بازنەیا 1 یا کەرکووکێ ژ سەدێ دەرباس نەکریە. شێخ سەمیر، کو ل شەنگالێ کاندیدێ PADE بوو، تەڤی کو پەکەکێ ئەو ل شەنگالێ سەپاند ژی لێ دۆرا 600 دەنگان ب دەست خستن. ژ بلی ڤێ، پەکەکێ ل شەنگالێ لگەل عەرەب و حەشدا شەعبی دا رێکەفتن کربوو.
د ھلبژارتنێن بۆری دا، پەکەکێ لگەل نەوەی نووی رێکەفتن کر و کاندیدەک دەرخست پێش. ڤێ جارێ، پەکەکێ ئەڤ ئەندامە ژی وەندا کر.
تەڤی کو پەکەکێ کاندیدێن خوە هەبوون، ھەڤسەرۆکێ کۆنسەیا رێڤەبەرا کەجەکێ جەمیل بایک ژ بۆ ھلبژارتنێن ئیراقێ ژ بۆی یەنەکێ پشتگری خواست. ئەڤە بوو مژارا نیقاش و نەرەحەتیا گرسەیا پچووکا پەکەکێ و کاندیدێن وێ. ب تایبەتی ژی کاندیدێن وێ رەخنە گرتن و گۆتن، “ئەگەر پشتەڤانیا یەنەکێ بهێتە کرن، بۆچی ئەم بوونە کاندید؟”
تەڤی کو پەکەکە ئیدیعایێ دکەت کو ل باشوورێ کوردستانێ هەژمارەکا لایەنگرێن وێ یێن زیدە ھەنە، دەنگێن وێ یێن کێم بوونر جھێ نیقاشێ.
