ئه‌مه‌ریكایێ هشیاری دا تركیێ و راگهاند كو ئه‌و هه‌ر ئێریش و ده‌ستوه‌ردانه‌كا تركیێ یا د سووریێ ده شه‌رمه‌زار دكن و ب پێویست زانی هه‌ر ئالییه‌ك پابه‌ندی ئاگربه‌ستێ ببه.
د به‌رسڤا ره‌جه‌ب تایب ئاردۆگان سه‌رۆككۆمارێ تركیێ ده، كو ل رۆژا 11 ڤێ مه‌هێ گۆتبوو ئه‌مێ ئێریشه‌كه دن ل سه‌ر رۆژئاڤایێ كوردستانێ ده‌ست پێ بكن، ئامه‌ریكایێ هشیاری دا.
نێد پرایس به‌رده‌ڤكێ وه‌زاره‌تا ده‌رڤه یا ئه‌مه‌ریكایێ د ڤێ ده‌ربارێ ده گۆت: ئامه‌ریكا به‌زاندنا سینۆرێن سووریێ ژ هێلا تركیێ ڤه و هه‌روه‌ها كارێن وێ یێن تێكده‌ر ل وی وه‌لاتی شه‌رمه‌زار دكه.
هه‌روه‌ها گۆت: گرینگه هه‌ر ئالی پابه‌ندی ئاگربه‌ستا ل سووریێ ببه.
ئه‌ڤ هشیارییا ئه‌مه‌ریكایێ پاش دو رۆژان ل سه‌ر داخویانییا ئاردۆگان تێ كو گۆتبوو ئه‌مێ ئۆپه‌راسیۆنه‌كه دن ل سه‌ر رۆژئاڤا كوردستانێ ده‌ست پێ بكن.
