ل پارێزگەھا وانێ یا باکورێ کوردستانێ، 2 ژێ سیخورێن ئیرانێ، 6 وەلاتیێن ترکیێ ب گشتی 8 کەس ب ئیدیعایا ھەولا رەڤاندنا سەربازەکێ ئیرانێ یێ کەڤن ھاتن گرتن.
ل گۆر مەدیا ترکیێ، ئیرانێ ژ بۆ رەڤاندنا سەربازێ ئیرانێ یێ کەڤن یێ ب ناڤێ م.ا. کو ل وانێ دژیت، 2 سیخور شاندنە وانێ. ھەر دو سیخورێن ئیرانی بۆ ئارمانجا رەڤاندنا وی سەربازی، ب بودجەیا 30 ھەزار دۆلاران تۆرەکا ژ 8 کەسان پێک دھات ئاڤا کر. 6 وەلاتیێن ترکیێ ژی بۆ ئارمانجا رەڤاندنا وی سەربازێ ئیرانی ئالیکاریا سیخورێن ئیرانێ کرینە.
ھێزێن ئەولەھیێ و میتێ د شۆپاندنا تۆرێ دا تەسپیت کرن کو، وان خوە گھاندە ژنا سەربازێ کەڤن و ژ بۆ ئالیکاریا وان بکەت 10 ھەزار دۆلار پێشنیار کرنە، ئەگەر نەکە گەفا زرار گەهاندنا ب مالباتا وێ یا ئیرانێ کرن.
پشتی ھات تەسپیتکرن ئیستخباراتا ئیرانێ، د 24ێ ئیلۆنێ دا ژ بۆ رەڤاندنا م.ا. ب ترۆمبێلێ 2 سخور شاندنە وانێ، میت و ھێزێن ئەولەکاریێ ل دژی تۆرا ھاتیە ئاڤاکرن ئۆپەراسیۆنەکا ھەڤبەش دابوو دەستپێکرن.
ھێزێن ئەولەکاریێ د 24ێ ئیلۆنێ دەمژمێر 9ێ ئێڤاری، دەما ڤی گرۆپی ب ئارمانجا رەڤاندنێ دخواستن بکەڤنە مالا سەربازێ کەڤن م.ا، سیخورێ ئیرانێ س.س. و وەلاتیێ ترکیێ م.ە.ئا. دەستەسەر کرن. د بەردەوامبوونا ئۆپەراسیۆنێ دا 6 وەلاتیێن ترکیێ ژی کو ئالیکاریا سیخورێن ئیرانێ کرن، ھاتن دەستەسەرکرن.
