تركیه بوو دووه‌م وه‌لات كو ئازادی گه‌له‌ك لێ كێمبوویه
ل گۆر راپۆرتا فریدۆم هاوس، ترکیە د هەبوونا ئازادیێ دا ل سەر ئاستا جیهانێ د ناڤ 195 وەلاتان دا د رێزا 146ێ دا دهێت و ل سالا 2021ێ، ترکیە دووەمین وەلات بوو کو ئازادی گه‌له‌ك لێ کێم بوویە.
ناڤەندا فریدۆم هاوس کو ل سەر ئاستا جیهانی راپۆرتێن د وارێ ئازادییا ل وەلاتان دا ئامادە دکەت، «راپۆرتا ئازادیێ یا 2021ێ» بەلاڤ کر.
ل گۆر راپۆرتێ بەره‌ڤاژی پێشکەتنێ، ل گەلەک وەلاتان د وارێ دەمۆکراسیێ دا پاشڤەچوون هەیە، سالا 2020ێ ل 73 وەلاتان دەمۆکراسی پاشڤەچوو و ل 28 وەلاتان ژی پێشکەت، ترکیێ ژی د کاتەگۆریا «وەلاتێن نە ئازاد» دا جهـ گرتییه.
هەژمارا وەلاتێن نە ئازاد ل سالا 2021ێ گه‌هشت 54 وه‌لاتان و تركیه ژی د ناڤ دایه، وه‌لاتێن ئازاد ژی گه‌هشتنه 82 وەلاتان، ئه‌ڤه ژی كێمترین رێژه‌یه د 15 سالێن رابووری دا.
هەروه‌ها د 10 سالێن داویێ دا پشتی مالیێ کو وەلاتەکی ئافریکی یە، دووەم وەلات بوویە کو ئازادی و دەمۆکراسی گه‌له‌ك لێ پاشڤە چوویە، ترکیێ ل گۆر ئەندێکسێ د 10 سالێن داویێ دا 31 خال ژ دەست دانە و نها وەلاتێن وەک ئوگاندا، مۆزامبیک، پاکیستان و بانگلادەش د وارێ ئازادیێ دا ژ ترکیێ باشترن.
د راپۆرتێ دا هاتییه دەستنیشانکرن کو ل ترکیێ ئازادییا مەدیایێ نینە و مەدیا سەرەکی پرۆپاگاندایا حکوومەتێ دکەت و زەختەکە سیاسی یا زێدە ل سەر مەدیا سەربخوە هەیە، د راپۆرتێ دا تێ گۆتن کو ل سەر سۆسیال مەدیایێ چاڤدێریەکا زێدە هەیە و کەسێن د
