كێ 7 گه‌ریلا كوشتنه‌ و چما «گرووپا كه‌ران» دبێژه‌ په‌ده‌كێ كوشتنه‌؟!

په‌كه‌كه‌ ئاماده‌یه‌ ب سه‌دان گه‌ریلایێن خوه‌ تاسفییه‌ بكه‌ ته‌نێ ژ بۆ كو بكه‌ به‌لگه‌ و دۆكیۆمه‌نت ژ بۆی توهمه‌تێن خوه‌ یێن بێئه‌خلاق ل دژی په‌ده‌كێ.

ل 4 ئیلۆنا ئیسال 2021ێ وه‌زاره‌تا به‌رگریێ یا تركیێ ب تایبه‌ت ل ساعه‌ت 11:45 نیڤرۆژێ، داخویانی به‌لاڤ كر و گۆت: «باله‌فرێن جه‌نگێ 7 چه‌كدارێن په‌كه‌كێ ل گاره‌ی كرن ئارمانج»، هه‌ر وها دیمه‌نێن ڤیدیۆ یێن ڤێ ئێریشێ ل حه‌سابا خوه‌ یا تویته‌رێ به‌لاڤ كر.

داخویانییا تركیێ و دیمه‌نێن ئێریشا 4 ئیلۆنێ:

پاش ده‌رباسبوونا 3 ده‌مژمێران و ب تایبه‌ت ل ساعه‌ت 2:54 ئێڤارا هه‌مان رۆژێ، رێخستنا په‌كه‌كێ داخویانی دا و گۆت: «7 گه‌ریلایێن مه‌ كه‌تنه‌ كه‌مینا په‌ده‌كێ و هاتنه‌ كوشتن».

داخویانییا په‌كه‌كێ:

پاش ڤان داخویانییان، په‌ده‌كێ داخویانی دا و گۆ كو تو پێوه‌ندییا هێزا پێشمه‌رگه‌هان ب ڤێ بوویه‌رێ ڤه‌ نینه‌، ژ په‌كه‌كێ ژی خوه‌ست ده‌ڤ ژ ده‌ره‌وان و چێكرنا توهمه‌تێن بێئه‌خلاق به‌رده‌.

رێخستنا په‌كه‌كێ ژ بۆ چێكرنا توهمه‌ته‌كێ بۆ په‌ده‌كێ، دكاره‌‌ هه‌ر تشته‌كێ بێئه‌خلاق بكه‌، هه‌گه‌ر پێویست ژی به‌ ژ بۆ كو رێخستن بگه‌هه‌ ئارمانجا خوه‌ و رۆژه‌ڤێ ل دژی په‌ده‌كێ بئازرینه‌، دكاره‌‌ ب ده‌هان گه‌ریلایان فه‌دا بكه‌ت‌.

ل رۆژا كو په‌كه‌كێ ئه‌ڤ داخویانی دای، عه‌ینی رۆژێ ده‌وله‌تا تركیێ وێنه‌ و دیمه‌نێن هه‌ده‌ف كرنا وان 7 گه‌ریلایان به‌لاڤ كرن، لێ به‌لێ په‌كه‌كه‌ رژده‌ ببێژه‌: «نا عه‌سكه‌رێ ترك ئه‌ڤ هه‌ڤرێیێن مه‌ نه‌كوشتنه‌، به‌لكو په‌ده‌كێ‌ ئه‌ڤ ته‌وان‌ ئه‌نجام داییه‌»، تشتا كو په‌كه‌كه‌ دخوازیت بكه‌ و ببێژه‌ ئه‌ڤه‌: «په‌كه‌كه‌ دخوازه‌ روویێن ره‌ش ئێن ده‌وله‌تا داگیركه‌ر ل سه‌ر حه‌سابا په‌ده‌كێ سپی بكه‌»‌.

وێنه‌یێن 7 گه‌ریلایان:

رێخستنا په‌كه‌كێ ئه‌ڤ ده‌ما دو سالانه‌، هێرشێن خوه‌ یێن ل سه‌ر په‌ده‌كێ زێده‌ دژوار كرنه‌، هه‌م هێرشێن ب چه‌كان و هه‌م ژی هێرشێن مه‌دیایی، لێ به‌لێ پاش كو ئه‌ڤ هه‌موو هه‌ولێن په‌كه‌كێ راستی شكه‌ستنێ هاتین، «گرووپا ئه‌نقه‌رێ» ده‌ست ئاڤێت فه‌دا كرنا گه‌ریلایان، ژ بۆ كو ئه‌ڤ فه‌دا كرن ژ ده‌ره‌وێن وێ یێن د راستا په‌ده‌كێ ره‌ ببن به‌لگه‌ و دۆكیۆمه‌نت.