جۆن بۆلتۆن: چارەسەریا ھەری باش ژناڤبرنا سیستەما حوکمرانیا ئیرانێ یە

جۆن بۆلتۆن: چارەسەریا ھەری باش ژناڤبرنا سیستەما حوکمرانیا ئیرانێ یە

شێورمەندێ بەرێ یێ ئاساییشا نەتەوی یا ئامەریکایێ راگەھاند، چارەسەریا ھەری باش ژناڤبرنا سیستەما حوکمرانیا ئیرانێ یە.

شێورمەندێ بەرێ یێ ئاساییشا نەتەوی یێ ئامەریکایێ جۆن بۆلتۆن راگەھاند: “رێکەفتنا ئەتۆمی یا وەلاتێن 5+1 ل گەل ئیرانێ گەلەک خالێن خراب تێدانە.

بۆلتۆن گۆت: سیستەما حوکمرانیا ئیرانێ ژ لایێ گەلێ ئیرانێ ب خوە ژی پشتەڤانی لێ نایێ کرن و پێویستە ناکۆکیێن د ناڤبەرا دەستھلاتدارێن بلندێن ئیران و سپایێ پاسداران دا بێن ئاڤا کرن.

شێورمەندێ بەرێ یێ ئاساییشا نەتەوی یێ ئامەریکایێ دبێژیت، چارەسەریا ھەری باش ل شوونا رێکەفتنا ئەتۆمی ژناڤبرنا سیستەما حوکمرانیا ئیرانێ یە و پشتی ھلوەشاندنا وێ دەستھلاتێ، پێویستە ستراتەژیەک بهێتە دانین کو دەستھلاتا نوو بهێتە دوورخستن ژ بدەست ئانینا چەکێن ئەتۆمی.

رێکەفتنا ئەتۆمی یا ئیران و وەلاتێن 5+1 د سالا 2015ێ دا ل باژارێ لۆزانا سویسرێ ھاتە ئیمزا کرن و ل گۆر وێ رێکەفتنێ دێ دەست ژ چێکرنا چەکێن ئەتۆمی بەردەت و ئامەریکا ژی جەزایێن ل سەر وی وەلاتی دێ سڤک کەت.

شەڤا 8/5/2018ێ سەرۆکێ ئامەریکایێ یێ وی دەمی دۆنالد ترومپ بریارا ڤەکێشینا ئامەریکایێ ژ وێ رێکەفتنا ئەتۆمی یا ئیران و وەلاتێن 5+1 ئیمزا کر.

وەلاتێن 5+1 پێکتێن ژ پێنج وەلاتێن ئەندامێن دایمی یێن ئەنجوومەنا ئاساییشا ناڤنەتەوی یێن ئامەریکا، فرانسا، رووسیا، بریتانیا و چین و ل گەل وان ژی ئالمانیا.