گەفێن ترکیێ ل سەر رۆژئاڤایێ کوردستانێ زێدە بوونە

گەفێن ترکیێ ل سەر رۆژئاڤایێ کوردستانێ زێدە بوونە

گەفێن ترکیێ ل دژی باکور و رۆژھلاتێ سووریێ، ناڤچە خستیە د ناڤا تەڤگەرەکا سەربازی یا بلەز. رۆژنامەیەکق سووری کو ژ کۆچکا کۆماری نێزیکە دبێژیت کو ئارتێشا سووریێ ھێزەکق زێدە شاندیە باکور و رۆژئاڤایێ حەلەبێ، دا کو رووبروویێ ھەر ئێریشەکا ترکیێ ببن.

ل گەل زێدەبوونا گەفێن بەرپرسێن ترکیێ ل دژی رۆژئاڤایێ کوردستانێ و باکور و رۆژھلاتێ سووریێ، ناڤچەیێن رووبرووبوونێ بوونە مەیدانا ئامادەکاریێن سەربازی ژ ئالیێ تەڤاھیا ھێزێن کو ل وان ناڤچەیان ھەنە. لێ شیرۆڤەکار و چاڤدێرێن سیاسی ڤان گەفان ب شێوەیێن جودا دخوینن.

در. مەحموود عەباس نڤیسکار و شیرۆڤەکارێ سیاسی د بەرنامەیا چاڤێ سێیەم یا رادۆیایا رووداوێ دا گۆت، ئەگەر ترکیا گەفێن خوە جێبەجێ بکەت دێ رووبروویێ ھەلوەستێن ئامەریکا و رووسیایێ بیت.

شیرۆڤەکار در. مەحموود عەباس راگهاند: “ئەز نە د وێ باوەریێ دا مە کو رووسیا وەکو ل عەفرینێ چێببووی دەستوورا ئۆپەراسیۆنەکا نوو بدەت. د دەما ئۆپەراسیۆنا عەفرینێ دا ھندەک بازرگانی د ناڤبەرا وان دا ھەبوون. وی دەمی دەستێ خوە ژ حەلەبێ ڤەکشاندن.

دەربارێ ھەمان مژارێ، ئەندامێ ئۆفیسا پەیوەندیێن ئەنجوومەنا سووریا دەمۆکراتیک (مەسەدێ) ل لەندەنێ مەسعوود کاسۆ ژ بۆ ھەمان بەرنامەیا رادیۆیا رووداوێ دا زانین کو رووسیا و ئامەریکا ل دژی ھەر ئێریشەکا ترکیێ نە.

پشتی گەفێن ترکیێ، رۆژا 16ێ جۆتمەھێ ھێزێن رووسیایێ باژارۆکێ سەرمەدا، کو تەنێ 6 کیلۆمەترەیان ژ سینۆرێ ترکیێ لگەل پارێزگەھا ئدلبێ دوورە، تۆپباران کربوون. چاڤدێرێن سیاسی ڤێ ئێریشێ وەکی نامەیەکێ بۆ ترکیا شیرۆڤە دکەن کو ئەگەر ئەو ھەر ئێریشەکە نوو بۆ سەر خاکا سووریێ ئەنجام بدەت، رووسیا و حکوومەتا سووریێ دێ تەڤاھیا باکورێ رۆژئاڤایێ سووریێ کو ل ژێر کۆنترۆلا ترکیایێ یە کەن ئارمانج.

پوستێن ھەمان بەش