رێخستنا یۆنیسێفێ یا گرێدای نه‌ته‌وه‌یێن یه‌كبوویی راگهاند کو د شەرێ یەمەنێ دا پێتری 10،000 زارۆک هاتنە کوشتن و بریندار کرن.
جه‌یمس ئالدێر په‌یڤدارێ یۆنیسفێ ئیرۆ رۆژا سێشه‌مبێ 119/10/2021ێ ژ رۆژنامەڤانان را گۆت کو ل گۆر ڤان هەژماران، هەر رۆژ ل یەمەنێ چار زارۆک یان تێن کوشتن یان ژی بریندار دبن.
نەتەوەیێن یەکبوویی رەوشا ل یەمەنێ وەکی خرابترین کریزا مرۆڤاهی یا جیهانێ بناڤ دکەت.
شەرێ ل یەمەنێ داوییا سالا 2014ێ ژ نوو ڤە دەستپێ کر و ژ 2015ێ ڤە هه‌ڤپه‌یمانییه‌ك ب سەرکێشییا عەرەبستانا سعوودیێ شەر ل دژی میلیتانێن خووسی برێڤە دبه‌ت.
ئەڤ شەرێ درێژ ل یەمەنێ بوویە سەدەما تێکچوونا ئابوورییا وی وه‌لاتی و هه‌روه‌ها خزمەتێن ساخلەمی و جڤاکی.
یۆنیسێف دبێژیت کو چار ژ پێنج زارۆکان پێدڤی ب ئالیکارییا مرۆڤاهی هەنە.
ل گۆر ڤان هەژمارێن نه‌ته‌وه‌یێن یه‌كبوویی، ژ ئادارا 2015ێ و هەتا 30ێ ئیلۆنا ئیسال، ب گشتی 3،455 زارۆک ژبەر شەر ل یەمەنێ هاتنە کوشتن و پێتری 6،6000 زارۆكان ژی بریندار بوونە.
