یه‌ونان، قبرس و مسرێ هشیاری دا تركیێ

ardogan-egypt-greece-cyprus (1)

وه‌لاتێن یه‌ونان، قبرس و مسرێ ب داخویانیەکا هه‌ڤبار راگه‌هاندن، ترکیه‌ پابه‌ندی قانوونێن ناڤنەتەوی نابیت و ئه‌و ئێدی چالاكیێن وێ یێن ئیستفزازی قه‌بوول ناكه‌ن.

د داخویانیێ دا كو ل ئه‌تینا یا پایته‌ختا یه‌ونانێ هاتییه‌ راگه‌هاندن، هات گۆتن: هەرسێ وەلات ته‌عقیبا لێكۆلینێن تركیێ یێن ل نێزیکی گراڤا قبرسێ دكه‌ن، ئه‌ڤ كارێ كه‌شتیێن تركیێ نایێ قه‌بوول كرن و ئه‌و وان چالاكییان وەکە «ل دژی قانوونا ناڤنەتەوەیی» دبینن.

هەرسێ وەلات دبێژە ترکیه‌ ل هەرێمێ ب ئاوایەکێ «پرۆڤۆکاتیف كار دكه‌ت» و خواستن کو ترکیێ چالاکیێن خوەیێن ل هەرێمێ ب داوی بینیت.

سەرۆکوەزیرێ یوونانێ کریاکۆس متسۆتاکس د جڤینا رۆژنامەڤابی یا هەڤپارا پشتی لووتکەیێ دە ئاخڤی و گۆت کو «هەلوەستا ترکیێ یا ل هەمبەری جیرانێن خوە ل دەریایا سپی یا رۆژهلات ژ بۆ ئاشتیسا ل هەرێمێ خەتەرەیە و تەڤکاریێ نادەته‌ چارەسەرییا پرسگرێکا قبرسێ».

سەرۆکۆمارێ مسرێ عه‌بدولفه‌تاح سیسی ژی بال کشاند سەر هەڤکارییا د وارێ ئەلەکتریک و گازا خوەزایی دا و گۆت کو ئەو دخوازن گازا خوەزایی د سەر مسرێ را بگهینن یه‌ونان، بالکان و ئەورۆپا ناڤین.

د جڤینا رۆژنامەڤانی یا هەڤبەش دا، سەرۆکۆمارێ قبرسێ نکۆس ئاناستاسادس تەکەزی ل سەر پرسا قبرسێ کر و گۆت کو ئەو ل گەل چارەسەرییا دو دەولەتی نە.