تركیێ دو ئهندامێن رێڤهبهرییا خوهسهر كوشتن
دو ئەندامێن رێڤەبەريیا خوەسەر ل کۆبانێ د ئێریشەکە فرۆکەیەکە بێفرۆکڤانا ترکیێ دا هاتن کوشتن.
هێزێن ئەولەکاریێ «ئاساییش» د داخویانیەکێ دا راگهاند، درۆنەکە ئارتێشا ترکیێ رۆژا چارشەمبێ 20ێ جۆتمەها 2021ێ، ئۆتۆمۆبیلا هەڤسەرۆکێ ئەنجوومەنا دادوەرییا جڤاکی یا رێڤەبەریا خوەسەر بەکر جەرادێ ل باژارێ کۆبانێ ئارمانج گرت.
ل گۆر داخویانییا ئاساییشێ، د ئەنجاما وێ ئێریشێ دا بەکر جەرادێ بریندار بوو و 2 ئەندامێن رێڤەبەرییا خوەسەر ب ناڤێ فارس مزی و حەمزە حەمزە هاتن کوشتن. هەروهها هەژمارەک سڤیلێن دن ژی بریندار بوون.
هێزێن ئەولەکارییا هندرین گۆت: «ئەڤ ئێریش، هەولدانەکا دن یا داگیرکەرییا ترکیێیە کو مەبەستا وێ ترساندنا سڤیلێن ئەولە و تێکبرنا ئارامییا ل هەموو هەرێمێن مەیە».
د داخویانیێ دا هاتن گۆتن ژی: «ئەم وەک هێزێن ئەولەکارییا هوندرین، ئەم تەکەز دکن کو ئەمێ تەڤی هەموو گەفان ژی، ئەرکێن خوە یێن پاراستنا ئەولەهی و ئارامییا هەرێمێ ب جهـ بینن».