عەزیزێ زییۆ بوو سەرۆکێ نوو یێ یەکتیا کوردێن قەزاغستانێ

عەزیزێ زییۆ بوو سەرۆکێ نوو یێ یەکتیا کوردێن قەزاغستانێ

نڤیسکار و کارسازێ ناڤدارێ کوردێ قەزاغستانێ عەزیزێ زییۆ بوو سەرۆکێ یەکتیا کوردێن قەزاغستانێ (بەربەنگ).

یەکتییا کوردێن قەزاغستانێ کو وەک “بەربانگ” دهێتە ناسکرن، دوھی ل باژارێ ئالماتێ یێ قەزاغستانێ کۆنفەرانسا خوە ساز کر. د کۆنفەرانسێ دا عەزیزێ زیۆ بەدرخان وەک سەرۆکێ نوو یێ وێ یەکیتیێ ھات ھلبژارتن.

عەزیزێ زییۆ بەدرخان سالا 1953یێ ل باژارێ ئالماتێی ێ قەزاغستانێ ھاتیە دنیایێ. مالباتا وی سالا 1944ێ ژ گورجستانێ ژ ھەرێما ئاغسکایێ بەر ب ئاسیایا ناڤین ڤە ھاتیە سرگوونکرن. کۆکا مالباتا وی ژ جزیرا بۆتانە. وەکە عەزیزێ زیۆ ب خوە دبێژیت، ئەو ژ بنەمالا بەدرخانیانن.

عەزیزێ زییۆ بەدرخان د ناڤا دیاسپۆرایا کوردێن سۆڤیەتێ دا وەکە کارساز، نڤیسکار و چالاکڤانەکی جڤاکێ تێ ناسکرن.

پشتی ھلوەشینا یەکیتیا سۆڤیەتێ رۆلەکێ چالاک د رێخستنکرنا دیاسپۆرایا کوردان گێرایە و سالا 1992یێ بوویە یەکەمین سەرۆکێ یەکیتیا کوردێن قەزاغستانێ “بەربانگ”ێ.

پشتی عەزیزێ زییۆ، رەوشەنبیرێن ناڤدارێن مینا بەدرێ مووسا و نادرێ کەرەم نادرۆڤ و کنیازێ ئیبراھیم سەرۆکاتیا بەربانگێ کرنە.

پشتی کو کنیازێ ئیبراھیم، سەرۆکێ “بەربانگ”ێ یێ بەرێ، کو د ھەمان دەمێ دا سەرۆکێ فەدەراسیۆنا ناڤنەتەوەیی یا کوردێن سۆڤیەتا بەرێ ژی بوو، وەفات کری، جھێ وی ڤالا مابوو.

کنیازێ ئیبراھیم رۆژا 9ی تەباخا ئیسال ل باژارێ ئالماتێ یێ قەزاغستانێ ب نەخوەشیا کۆرۆنایێ وەفات کر.