سەرکردەیەکێ بلندێ رێخستنا ئەل قاعیدە ل رۆژئاڤایێ کوردستانێ ھات کوشتن

 فەرمانداریا ناڤەندی یا ھێزێن ئامەریکایێ دیار کر؛ ل باکورێ رۆژئاڤایێ سووریێ، سەرکردەیەکێ بلندێ رێخستنا ئەل قاعیدە ھات کوشتن.

واشنگتۆنێ ئاشکەرا کر؛ ڤێ سبێ 23یێ جۆتمەھێ ل باکورێ رۆژھلاتێ سووریێ ب رێیا ئێریشەکا درۆنان، سەرکردەیێ دیارێ رێخستنا ئەل قاعیدە عەبدولحەمید مەتەر ھات کوشتن.

ھەروھا دا زانین؛ ل سەر زیانێن رێزا وەلاتیێن سڤیل، چ زیانەک ل بەر دەست نینە و ئێریش ب رێیا درۆنا MQ-9 ڤە ھاتیە ئەنجامدان.

ھات دیارکرن کو ب کوشتنا وی سەرکردەیێ ئەل قاعیدەیێ، کارتێکرن ل سەر شیانێن وێ رێخستنێ دبیت، ب تایبەتی دارشتن و پلانکرنا ئێریشێن جیھانی، کو دبنە سەدەما کوشتنا ب ھەزاران کەسان.

فەرمانداریا ناڤەندی یا ھێزێن ئامەریکایێ دەستنیشان کریە، ئامەریکا ئارمانجکرنا داعش، ئەل قاعیدە و رێخستنێن دی یێن تەرۆرێ ددۆمینە.

بەریا نھا ئارتێشا ئامەریکایێ راگھاندبوو؛ ب رێیا ئێریشەکا ئەسمانی، سەرکردەیێ دیارێ ئەل قاعیدەیێ سالم ئەبوو ئەحمەدی ھاتیە ژناڤبرن.