ده‌وله‌تا تركیێ جاره‌كه دن گه‌ف ل رۆژئاڤا كوردستانێ خوارن و وه‌زیرێ به‌ره‌ڤانیێ یێ تركیێ دبێژه: «وەختا دەما وێ هات، تشتا کو پێویست بکە دێ وەرە کرن».
وەزیرێ بەرەڤانیێ یێ ترکیێ هولوسی ئاکار ئیرۆ شەمیێ 23/10/2021ێ پشتی جڤینا وەزیرێن بەرەڤانیێ یێن ناتۆیێ ل بروکسلێ، ل نوونەرتییا ترکیێ یا ناتۆیێ بەرسڤا پرسێن رۆژنامەڤانان دا.
ئاکار دەربارێ ئێریشێن ڤێ داویێ دە بۆ سەر هێزێن وان ل باکورێ سووریێ گۆت: ژ نێزیک ڤە چاڤدێرییا رەوشێ دکن و هەتا دەما وێ هات ل گۆر پێویست بەرسڤا وان ددن.
ئاکار ل سەر پرسا یا د دەربارێ رۆژئاڤایێ کوردستانێ دە ژی وها بەرسڤ دا «ئەم بوویەران ژ نێز ڤە دشۆپینن، وەختا دەما وێ هات، تشتا کو پێویست بکە دێ وەرە کرن، ماف و بەرژەوەندیێن مە چ هەوجە دکە، وەکە کو هەتا نها هاتییە کرن، وێ د بن سەرۆکاتییا سەرۆککۆمارێ مە دە بێ کرن».
ئاکار گۆت: «مە گۆت بوو ئەم دێ دەستوورێ نەدن کو کۆریدۆرا تەرۆرێ ل نێزی سینۆرێن مە چێببە، مە ب ئۆپەراسیۆنێن خوە پێشی ل کۆریدۆرا تەرۆرێ گرت».
