ل باکورێ رۆژئاڤایێ بۆسنایێ، کۆچبەرێن کو هەول دده‌ن دەرباسی ئەوروپایێ ببن، دبێژن کو پۆلیسێن کرواتیا ل وان دده‌ن، تشتێن وان ددزن و ب چەکان گەفان ل وان دكه‌ن.
ئیبراهیم رەسوول کو تەمەنێ وی 32 سالن و بەری چار سالان ژ ئافغانستانێ رەڤیایە، ژ ئاژانسا فرانس پرێس را گۆت کو پۆلیسێن کرواتیا وەک هۆڤان سەرەدەریێ دکه‌ن، ئەو ل هەمی پەنابەران دده‌ن، چ زارۆک، چ ژن و چ ژی پیر.
ئیبراهیم، ل گەل دەهان مالباتێن کۆچبەر، کو پرانیا وان ئافغانی نە، د کامپەکا بێ خزمەت دا ل گوندێ ڤیلیکا کلادۆسا یه، ب هێڤیا دەرباسبوونا یەکیتیا ئەورۆپی.
ب سالانە، مافناس پۆلیسێن کرواتیا تاوانبار دکه‌ن کو ئەو ب زۆر و توندیێ کۆچبەران دوور دئێخن، هەر وها یونانستان و رۆمانیا ژی ب سەرەدەرییا نە باش یا پەنابەران تاوانبار کرن.
