سویلۆ بۆ كارایلان: وەکی مشکان خوە ڤەنەشێرە!

Karayılan-pkk-sulayman-soylo(2)

وه‌زیرێ ناڤخوه‌ یێ تركیێ ئیرۆ گه‌ف ل موراد كارایلان یێ رێڤه‌به‌رێ په‌كه‌كێ كرن و ژێرا گۆت گه‌ریلایان نه‌شینن، هوون وه‌رن، وه‌ك مشكان خوه‌ نه‌ڤه‌شێرن، دۆرا وه‌ ژی تێ.

وەزیرێ ناڤخوەیێ ترکیێ سولەیمان سۆیلو ئیرۆ یەکشەمبێ 24ێ جۆتمەها 2021ێ ل سەر حه‌سابا خوە یا تویتەرێ راگه‌هاند کو 2 گەریلایێن په‌كه‌كێ یێن کو کەتنە ناڤ باژارۆکێ چەلێ یێ سینۆری د ئۆپەراسیۆنەکێ دا ب بەشدارییا فرۆکێن بێمرۆڤ و هێزێن بەژاهی جانێ خوە ژ دەست دانە و جەنازەیێن وان هەردویان ژی هاتنە دەستەسەر کرن.

سۆیلو هەروها گەف ل ئەندامێ کۆمیتەیا رێڤەبەرا په‌كه‌كێ مورات کارایلان ژی كرن و د تویتەرا خوە نڤیساندییە: «ژ گۆتنێ فێم ناکن، ئەگەر ب خوە دبینن، بلا کارایلان وەرە، وەکی مشکان خوە ڤەنەشێرە، دۆرا وی ژی تێ».

ناڤەندا راگه‌هاندنا هێزێن پاراستنا گەل هه‌په‌گێ یا گریدایی په‌كه‌كێ هەتا نها چ داخویانیەک دەربارێ ڤێ نووچەیێ دا بەلاڤ نەکرییە.