گرووپێن چەکدارێن ئۆپۆزیسیۆنا سووریێ یێن ترکیە پشتەڤانيیا وان دکەت، ب تۆپان ئێریشی هندهك گوندێن باژارۆکێ تل تەمرێ یا ل پارێزگەها حەسەکێ دکهن.
ل گۆری چاڤکانیێن خوەجهی، ئیرۆ رۆژا یهكشهمبێ 24/10/2021ێ دانێ سبێ، گرووپێن چەکداران، گوندێن تەل شەنان و دەردارا یێن سەر ب تل تەمرێ ڤە تۆپباران کرن.
ل گۆر زانیارییان، گوندێن تەل شەنان و دەردارا د بن کۆنترۆلا هێزێن سووریەیا دەمۆکراتیک ههسهدێ دا نە و هەتا نها دەنگێ چەک و تەقەمەنییان تێ بهیستن.
ژ ئالیێ دن ڤە هاتە راگههاندن، ل باکورێ حەلەبێ د ناڤبەرا گرووپێن چەکدارێن گرێدایی ترکیێ و یهپهگێ دا شەر و پەڤچوون روو ددهن و گرووپێن چەکداران دو گوندێن هەرێمێ بۆمبەباران کرن.
