رێخستنا په‌كه‌كێ، مرنا 4 زارۆكێن دن یێن كوردان راگهاند كو ل چیایێ باشوورێ كوردستانێ كه‌تنه به‌ر ئێریشا عه‌سكه‌رێ ترك.
هه‌په‌گێ باسكێ چه‌كداریێ په‌كه‌كێ ناسنامه‌یا 4 چه‌كدارێن خوه ئه‌شكه‌ره كر كو ل گۆری وێ د ئێرشا ئارتێشا ترکیێ یا ب چەکێن کیمیایی دە ل وەرخەلا ئاڤاشینێ ژیانا خوە ژ دەست دانە.
ل گۆر داخویانییا هه‌په‌گێ، هەر 4 گەریلایێن وان بەریا دو هەفتیان رۆژا 10ێ جۆتمەها 2021ان ل دەڤەرا ئاڤاشین «د بۆمبەبارانا ب چەکێن کیمیایی یا ئارتێشا ترکیێ دە» ژیانا خوە ژ دەست دانە.
هپگێ دیار کریە کو 3 ژ وان گەریلایان ژ باکورێ کوردستانێ نە و یەک ژی ژ رۆژئاڤایێ کوردستانێ یە.
وه‌كه هه‌رتم، په‌كه‌كێ تام زانیاری ل سه‌ر وان 4 گه‌ریلایان دانه، لێ به‌لێ تو ئاماژه ب ته‌مه‌نا وان نه‌كر، ژ بۆ كو ره‌ڤاندنا زارۆكان ل سه‌ر رێخستنێ نه‌یێ ته‌سبیت كرن.
په‌كه‌كه ژ بۆ چێكرنا شه‌رڤانان پشت به‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه، ئه‌ڤ یێك ژ هێلا رێخستنێن ناڤده‌وله‌تی هاتییه ته‌سبیت كرن.
