قەندیلێ نامەیەک ژ بۆ ھەدەپێ رێکر!

قەندیلێ نامەیەک ژ بۆ ھەدەپێ رێکر!

قەندیلێ د دەربارێ رێکەفتنا د ھلبژارتنێن ترکیا دا نامەیەک ژ بۆ ھەدەپێ رێکر. ناما کو قەندلێ ژ بۆ ھەدەپێ رێکری ھاتە ئاشکەراکرن و بالکێشە کو د مەدیا ترکیا دا جھ گرت.

ژ بەرێ تێ گۆتن کو ھەدەپێ چ ئیرادەیا سیاسی نینە، یانی ھەدەپە چ جارا ب سەرێ خوە نکاریت بریارێ بدەت. سەرۆکانیا بریارێن ھەدەپێ قەندیلە.

قەندیل د بەشەک ژ نامەیا خوە دا دبێژیت: دڤێت ژ بۆ ھلبژارتنێن سەرۆککۆماریێ ئامادەکاریەک ھەبیت. د تورا یەکەم دا ئەم دێ ب کاندیدێن خوە بەشدار بین. ژ نھا ڤە پیدڤیە کاندیدەک بهێتە ئامادە کرن. ژ بۆ تورا دویەم ژی پیدڤیە ئەم ژ نھاڤە پرەنسیبێن خوە کەشف بکەین. دێ د ھلبژارتنێن گشتی دا سیاسەتا مە چبیت؟ ئەم دێ رێکەفتنەکا فەرمی پێکئینین یان ژی وەک 31ێ ئادارێ ئەم دێ ژ دەرڤە پشتگریێ کەین. دێ نیزیکاتیا مە ژ پارتیێن ئۆپۆزسیۆنێ یێن کو نوو ھاتنە دامەزراندن چاوا بیت؟ ھوون ژی دیتنێن خوە کەشف بکەن دێ ژ بۆ پێڤاژۆیێ ژی باشتر بیت.

ھەروەھا قەندیل ژ بۆ رێکەفتنێن ل گەل  CHP و  IYI ژی د نامەیا خوە دا دبێژیت: پارتیێن وەک  IYI پارتی ڤەکری ل گەل ھەدەپێ پەیوەندیان داناینن.لێ ئەو دزانن کو ژ بۆ ھلبژارتنا ھەدەپە ژ بۆ وان گەلەک گرنگە. ئەو دزانن کو نە ژ ھەدەپێ بیت نکارن سەربکەڤن و داویێ ل دەستھلاتا ئاکەپێ و مەھەپێ بینن. دڤێ ھەدەپە ب ڤان پارتیان بدەتە فام کرن کو ئەگەر ھوون دروستی نێزیکی مە ببن ئەم دێ وەک ھلبژارتنێن شەرەداریا نێزکی هەوە بین، ھوون ڤێ نەکەن ھوونێ وەندا بکەن. دڤێت ھەدەپە ب ڤی ئاوایی ھێڤیەکیێ بدەتە وان.