ل ناڤچەیا کۆلکێ یا سەر ب پارێزگەھا سەمسوورێ ل باکورێ کوردستانێ، زەلامێ کو ئاگر بەردای پووشێ زەڤیا خوە د ناڤ ئاگری دا ما و جانێ خوە ژ دەست دا.
ل گوندێ کلیلانێ یێ ناڤچەیا کۆلکێ، عۆسمان یالچینێ 72 سالی یێ خۆدان پێداویستیێن تایبەت ئاگر بەردا پووشێ ناڤ زەڤیا خوە. ئاگر زێدە بەلاڤ بوو و گەھشتە دارستانا تەنشتا زەڤیێ و عۆسمان یالچین د ناڤ ئاگری دا ئاسێ ما.
ل سەر ئاگاھدارکرنێ، تیمێن ئاگر ڤەمراندنێ بۆ جھێ بوویەرێ ھاتن ڤەگوھاستن. تیمێن ئاگر ڤەمراندنێ، پشتی ڤەمراندنا ئاگری تەرمێ عۆسمان یالچین د ناڤ زەڤیێ دا دیتن.
تەرمێ یالچین ژ بۆ نەخوەشخانەیا پەروەردە و لێکۆلینێ یا سەمسوورێ ھاتە ڤەگوھاستن.
