باییک: ژبه‌ر په‌یوه‌ندیێن «ئاپۆ و حافز»، په‌كه‌كه‌ ل دژی ئه‌سه‌د نینه‌

هەڤسەرۆکێ کۆما جڤاکێن کوردستانێ كه‌جه‌كێ جەمیل بایک رادگه‌هینیت، په‌كه‌كێ په‌یوه‌ندیێن باش و دیرۆکی دگه‌ل حافز ئەسەد هەبوون، له‌و نها ئه‌م نه‌شێین ل دژی به‌شار ئه‌سه‌د بین.

هەڤسەرۆکێ كه‌جه‌كێ جەمیل باییک د هەڤپەیڤینەکێ دا ل گەل رۆژنامەیا «ئه‌ل-نەهار» یا عه‌رەبی دا راگه‌هاند، په‌كه‌كێ په‌یوه‌ندیێن باش و دیرۆکی دگه‌ل سەرۆکێ سووریێ یێ بەرێ حافز ئەسەد و مالباتا وی هەبوون، له‌و نها په‌كه‌كه‌ نه‌شێت ل دژی سووریێ و نه‌ ژی ل دژی ئەسەد بیت.

هەڤسەرۆکێ كه‌جه‌كێ دبێژیت: هه‌ر چه‌نده‌  كو به‌شار ئه‌سه‌دی هەلوەستەکێ نەرێنی ل سەر کوردان و رۆژئاڤایێ کوردستانێ هەیە، لێ په‌كه‌كه‌ ناخوازیت هەمان هەلوەستی ل دژی وی وه‌رگریت.

باییک گۆت: «هه‌ر چه‌ند کو رێڤەبەرییا بەشار ئه‌سه‌د ژ بەر بوویەرێن ل رۆژئاڤا قەومینە ل هەمبەری مە هەلوەستەکێ سار و نه‌رێنی نیشان دا ژی، لێ بەلێ مە نێزیکاتیەکا ب ڤی رەنگی نیشان نەدا، مە هەول دا کو ئەم وان فێم بكن، ئەم دخوازین ئەو ژی مه‌ فێم بكن، مە په‌یوه‌ندیێن خوە دگه‌ل شامێ نه‌بڕینه‌».

هەڤسەرۆکێ كه‌جه‌كێ تەکەز دکەت، وان په‌یوه‌ندیێن خوە ب شامێ رە نەبرینە و ئەو دۆستانییا د ناڤبەرا حافز ئەسەد و عه‌بدوللا ئۆجالان دا هه‌یی بلند د نرخینن، د ڤێ دەربارێ دا بایک گۆت: «ئەم هەر ده‌م رێزێ ل دۆستانییا عه‌بدوللا ئۆجالان و مالباتا ئه‌سه‌د دگرین، شام نه‌شێت تشتەکی نه‌رێنی ل سەر مە ببێژیت».

ل سەر رەوشا رۆژئاڤایێ کوردستانێ بایک دەستنیشان کر، چارەسەری ئەوە رێڤەبەرییا خوەسەر و شامێ ل هەڤ بکه‌ن و گۆت: «مە خواست کو رێڤەبەرییا خوەسەر پرسگرێکێن خوە یێن دگه‌ل ب شامێ چارەسەر بکەت، مە هەول دا باندۆرا خوە د ڤی واری دا ب کار بینین، ژ بەر کو چارەسەرییا هەری راست، لهەڤکرنا رێڤەبەرییا خوەسەر و حكوومه‌تا شامێ یە».

پێویسته‌ ل ڤر ل گه‌لێ رۆژئاڤا قڕكا جه‌میل باییك بگره‌ و و ڤان پرسان ژێ بكه‌:

  • هه‌گه‌ر هوون چاره‌سه‌ری و چاره‌نڤیسا رۆژئاڤا ب لهڤه‌كرنا ب شامێ ره‌ دبینن، قه‌ی چما مه‌ 11 هه‌زار شه‌رڤان شه‌هید و 22 هه‌زار بریندار دانه‌؟

  • چما وه‌ عه‌فرین، گرێ سپی و سه‌رێ كانیێ دانه‌ ده‌ستێ ئاردۆگان و وه‌ نه‌دان ده‌ستێ ئه‌سه‌د، ژ خوه‌ ل ده‌ستپێكێ ب ئه‌سه‌د ره‌ بوون و تو پرسگرێك نه‌بوو؟

  • قه‌ی چما هوون دكارن دگه‌ل عه‌ره‌ب، ترك و فارسان ل هه‌ڤبكن و چما ژ بۆی وه‌ ژه‌هره‌ كو هوون ل گه‌ل هێزێن كوردستانی و نه‌ته‌وی لهڤه‌بكن؟

  • قه‌ی ما مه‌ 11 هه‌زار شه‌هید ژ بۆی لهڤه‌كرنا ب ئه‌سه‌د ره‌ دانه‌؟

گه‌لێ رۆژئاڤا پێویسته‌ باش ڤێ بزانبه‌ كو هه‌ر چه‌ند كو په‌كه‌كه‌ د ور ده‌ به‌، قه‌ده‌را وێ دێ مه‌حكوومی تاریاتیێ به‌، روویێن جه‌میل باییك ئه‌و قاس قاییم بوونه‌ كو ئێدێ بێ شه‌رمانه‌ دبێژه‌ چاره‌سه‌ری ب لهه‌ڤكرنا ب شامێ ره‌ یه‌، ئێدی ئه‌و په‌یمانان ژێر ب ژێر ب داگیركه‌ران ره‌ ناكن، به‌لكو ئه‌شكه‌ره‌ دبێژن و ڤێ ب سه‌ركه‌تن حه‌ساب دكن.

رێخستنا په‌كه‌كێ ب قاسی تركان، ب قاسی ره‌ژیما ئه‌سه‌د گه‌لێ رۆژئاڤا قه‌تل كرییه‌، ئاواره، بێ ئیراده‌ و بێ رومه‌ت كرییه‌، رۆژئاڤا كو هنه‌كی مابوو پاش شه‌رێ ته‌رۆرا داعشێ بگه‌هه‌ خوه‌سه‌ریێ، په‌كه‌كێ ئه‌ڤ سه‌ركه‌تن ژ بۆ خوه‌ حه‌ساب كر، پشتره‌ ل سه‌ر سێنییه‌ك زێر ژبۆی تركیێ و سووریێ پێش كێش كر، بێی كو تو حه‌سابه‌كێ بۆ خوینا ب هه‌زاران شه‌رڤانان بكه‌ یێن كو ژیانا خوه‌ فه‌دایێ وێ سه‌ركه‌تنێ كری.