هەڤسەرۆکا هەدەپێ لەشکەرکێشیا ترکیێ ل سەر باشوور و رۆژئاڤایێ کوردستانێ پەسەند کر

هەڤسەرۆکا هەدەپێ لەشکەرکێشیا ترکیێ ل سەر باشوور و رۆژئاڤا ئەرێ کر

د پارلەمەنتۆیا ترکیا تەزکەرەیا کو رێ ددەت ئارتێشا ترکیێ ل ئیراق و سووریێ ئۆپەراسیۆنێن سەربازی ئەنجام بدەت، ھاتە قەبوول کرن. تەزگەرە حەتا دو سالا ھاتە درێژ کرن. تەزکەرە ب پرانیا دەنگان ھاتە درێژکرن، تەزکەرە ل سەر داخوازیا سەرۆک کۆماریێ ھاتە پارلەمەنتۆیێ و ب پرانیا دەنگا ھاتە قەبوول کرن.

ئاک پارتی، مەھەپە، IYI پارتی و دەڤا ژ بۆ تەزکەرەیێ ب “بەلێ” دەنگ دا. جەهەپە و ھەدەپە ل دژی تەزکەرەیێ دەرکەتن و ب “نە” دەنگ دان. لێ ھەڤسەرۆکا ھەدەپێ پەرڤین بولدان دەنگێ “بەلێ” دا تەزکەرەیێ. ھندەک ھەڤالێن وێ بالا وێ کشاندن لێ دەنگێ بولدان وەک ئەرێ ھاتە قەبول کرن. ئەڤەجا راستی نایێ زانین بولدان ب خەلەتی ب “بەلێ” دەنگ دایە یان ب زانابوون ھەلوەستا خوە دیار کریە.

ئەڤە دەمەک درێژە کو جەهەپە جارا یەکەم ل دژێ کو ترکیا ئارتێشا خوە رێبکەتە دەرڤە دسەکنیت. ئەڤ یەک وەک گوھەرتنەک رادیکال د ناڤا جەهەپی دا دهێتە نرخاندن. تایبەتی پشتی سەردانا شاندەکێ بلند یێ جەهەپێ بۆ باشوورێ کوردستانێ، د سیاسەتا جەهەپێ دا ھندەک گوھارتنێن بەرچاڤ تێن خویاکرن.