دارکا مازی ناڤێن بەرپرسێن یەنەکێ یێن هاتیە ژەهرکرن ئاشکەرا دکەت

دارکا مازی ناڤێن بەرپرسێن یەنەکێ یێن هاتیە ژەهرکرن ئاشکەرا دکەت

هەژمارا وان کەسێن کو قەیوومێ پەکەکەکێ د ناڤا یەنەکێ دا ژەهر پێ دایی هەر کو دچیت زێدە تر دبن، ب بۆرینا دەمی کارتێکرنا ژەهرا کو لاهۆر شێخ جەنگی یێ قەیوومێ پەکەکێ د ناڤا یەنەکێ داە ب بەرپرسێن یەنەکێ دایی پتر دبیت و هەژمارەکا هەری زیدە یا وان رێڤەبەرێن یەنەکێ نها ل ئەورۆپایێ نە داکو ئەنجامێن پشکنینێن خوە وەربگرن.

پشتی 8ێ تەمووزێ کو هەڤسەرۆکێ یەنەکێ بافل تالەبانی دەستهلاتا یەنەکێ ب تەمامی وەرگرتی و تەڤ دەستهلاتێن لاهۆر جەنگی ژێ وەرگرتی، پرسا ژەهرکرنا بافل تالەبانی و هندەک بەرپرسێن دی یێن یەنەکێ ژ لایێ لاهۆر شیخ جەنگی ڤە بوو مژارا گەرم د ناڤا مەدیایا باشوورێ کوردستانێ دا، یەکەم جار بافل تالەبانی ئەڤ یەک ئاشکەرا کر و راگهاند ئەو ژ لایێ لاهۆر شیخ جەنگی ڤە هاتیە ژەهرکرن، هەر وەها ئەڤ یەک ژی خوەیا کر کو لاهۆر سیخور د ناڤا مالا وی دا داناینە و دخوازیت وی تەسفیە بکەت و دەستهلاتا یەنەکێ ب تەمامی بکەتە د دەستێن خوە دا.

سەرەرای کو لاهۆر جەنگی ژەهرکرنا رێڤەبەرێن یەنەکێ ئینکار دکەت، لێ بەلێ، ل ڤێ داویێ هەژمارەکا هەری زیدە یا بەرپرسێن یەنەکێ ژ بۆی ئەنجامدانا پشکنینێن پزیشکی سەرەدانا ئەورۆپایێ کرینە و ئەنجامێن پشکنیێن هندەک ژ وان ئەڤ یەک تەکەز کریە کو ئەو هاتنە ژەهرکرن و رەوشا هندەک ژ وان ژی گەلەک خەرابە.

هەری داوی کۆسرەت رەسوول و مەلا بەختیار ل ئەلمانیایێ پشکنینێن پزیشکی ئەنجام دایینە و خوەیا بوویە کو ئەو هاتنە ژەهرکرن و رەوشا هەر دویان ژی گەلەک خەرابە، پێش دو رۆژان رووپەلا چاڤدێر یا نێزیکی مەلا بەختیار نووچەیێ ژەهرکرنا مەلا بەختیار ئاشکەرا کر، پشترا ژی بەردەڤکێ یەنەکێ ئەڤ نووچە تەکەز کر و راگهاند ئەو دێ ل بەندا لیکۆلینێن ئاساییشێ ژی مینن.

ب ئاوایەکی گشتی گۆمان دهێت کرن هەیا نها نیزیکی 20 بەرپرسێن یەنەکێ هاتبن ژەهرکرن کو ئەڤ ژی ناڤێن وانن:

1. بافل تالەبانی/ نها رەوشا وی یا تەندروستی باشە.

2. کۆسرەت رەسوول عەلی/ رەوشا وی خرابە.

3. شیخ جەعفەر شێخ مستەفا/ رەوشا وی باشە.

4. مەلا بەختیار/ رەوشا وی خرابە.

5. هێرۆ ئیبراهیم ئەحمەد/ دهێت گۆتن کو رەوشا وێ گەلەک خرابە، لێ بەلێ هندەک چاڤکانی ووسا ددەنە خوەیا کرن کو ب سەدەما ژەهرێ جانێ خوە ژ دەست دایە و یەنەکە مرنا وێ راناگەهینیت.

6. قادر حەمەجان/ رەوشا وی باشە.

7. دکتۆر خەسرەو گول/ رەوشا وی باشە و نها ل ئەورۆپایێ مژوولی وەرگرتنا چارەسەریێن پزیشکی یە.

8. عەتا سەراوی/ رەوشا وی باشە.

9. وەستا حەسەن/ رەوشا وی خرابە.

10. عیماد ئەحمەد/ رەوشا وی باشە.

11. شاناز ئیبراهیم ئەحمەد/ نها ل بەندا ئەنجامێن پشکنینێن خوە یێن پزیشکی یە.

12. عۆمەر فەتاح/ ل بەندا ئەنجامێن پشکنینێن خوە یێن پزیشکی یە.

13. وەهاب حەلەبچەیی/ ل بەندا ئەنجامێن پشکنینێن خوە یێن پزیشکی یە.

14. سەعدی ئەحمەد پیرە/ ل بەندا ئەنجامێن پشکنینێن خوە یێن پزیشکی یە.

15. شالاو عەلی عەسکەری/ ل بەندا ئەنجامێن پشکنینێن خوە یێن پزیشکی یە.

16. بۆرهان سەعید سۆفی/ ل بەندا ئەنجامێن پشکنینێن خوە یێن پزیشکی یە.

17. مەحموود سەنگاوی/ ل بەندا ئەنجامێن پشکنینێن خوە یێن پزیشکی یە.

18. کاکەمەند کاکەرەش/ ل بەندا ئەنجامێن پشکنینێن خوە یێن پزیشکی یە.

19. مستەفا چاورەش/ ل بەندا ئەنجامێن پشکنینێن خوە یێن پزیشکی یە.