14 مامۆسته‌یێن كورد وه‌كه‌ مامۆسته‌یێن شاره‌زا ل ئاستا جیهانێ تێن ده‌ستنیشان كرن

kurdistan-university-iran-sine (1)

ل گۆری له‌كۆلینه‌كه‌ زانینگه‌ها «سته‌نفۆرد» ل سالا 2021ان، 14 مامۆسته‌یێن زانینگه‌ها كوردستان یا ل باژارێ سنه‌ یێ رۆژهلاتا كوردستانێ، وه‌كه‌ مامۆسته‌یێن شاره‌زا و بسپۆر ل ئاستا جیهانێ هاتنه‌ ده‌ست نیشان كرن.

چه‌ند رۆژا به‌رێ رێخستنا زانستی یا ب ناڤێ «تایمز» ژی به‌لاڤ كر كو زانینگه‌ها كوردستان د مژارا باندۆرا باش ده‌ ل سالا 2021ان ل پله‌یا 800 – 601ێ ل ئاستا جیهانێ هاتییه ته‌سبیت كرن‌.

باندۆرا زانینگه‌هان ل گۆری چالاكیێن وان زانینگه‌هان د چارچووڤه‌یا ئارمانجێن پێشدابرنا سه‌قامگیریێ یێن رێخستنا نه‌ته‌وه‌یێن یه‌كبوویی و هه‌ر وها ل گۆری هه‌ر چار پیڤه‌رێن «له‌كۆلین، برێڤبری، پێشدابرن و په‌روه‌ردێ» ده‌ تێن نرخاندن.

 زانینگه‌ها «کوردستان» ل ئیرانێ ل رێزا 15ێ یا زانینگه‌هێن هه‌ری باش و ل ئاستا جیهانێ ژی ل رێزا 800-601ێ هاتییه‌ ده‌ست نیشان كرن.