پارتییا یەکێتییا دەمۆکراتیک په‌یه‌دێ راگهاند کو ئەو ئامادەنە ب ئاوایەکی یەکسەر ب حکوومەتا شامێ رە دەست ب دیالۆگێ بکن. په‌یه‌ده دیالۆگا ب ره‌ژیما سووریێ ره ژ دیالۆگا ب پارتیێن كوردستانی ره باشتر حه‌ساب دكه.
ئالدار خەلیل ئه‌ندامێ كۆنسه‌یا هه‌ڤسه‌رۆكاتییا په‌یه‌دێ ئیرۆ رۆژا دوشه‌می 1/11/2021ێ بۆ رۆژئاڤا تی ڤی ئاخڤی و پشتراست کر کو رێڤەبەرییا خوەسەرا باکور و رۆژهلاتێ سووریێ و په‌یه‌ده ژ بۆی دیالۆگا ب حکوومەتا شامێ رە ب ئاوایەکی یەکسەر، ئامادەنە.
ئالدار خەلیل دبێژه: «یێ کو نها ل شامێ ل سەر حوکمە، سووریه د بن سەروەرییا وی دە یە، ژ بۆ ئەم بگهێژن چارەسەریێ، دڤێ لهەڤکرن ب هکومەتا شامێ رە پێک وەرە، ژ به‌ر كو ئه‌م سووری نه».
په‌یه‌ده كو ب ئاسته‌نگییا هه‌ری سه‌ره‌كه ئا ل همبه‌ر دیالۆگا كوردی – كوردی ل رۆژئاڤا كوردستانێ تێ حه‌ساب كرن و ئه‌و بوویه سه‌ده‌م كو ئه‌ڤ دیالۆگ بێن سه‌كناندن، نها پڕ ب بێ شه‌رمانه دبێژه: چاره‌سه‌ری ل شامێ یه، ئانكو په‌یه‌ده لهه‌ڤكرنا ب ره‌ژیما به‌شار ئه‌سه‌د ره یاكو ب هه‌زاران كورد قه‌تل كرین ژ لهه‌ڤكرنا ب ئالیێن كوردی باشتر و نه‌ته‌وی تر دبینه.
