چما دیرۆکا ژ داییک بوونا ڤان زارۆکان دیار نینە؟

چما دیرۆکا ژ داییک بوونا ڤان زارۆکان دیار نینە؟

پشتی رەخنەیێن کو ل پەکەکێ هاتییە گرتن ل دژی چەکدارکرنا زارۆکان، ب سالانە کو پەکەکە دیرۆکا ژدایکبوونا شەرڤانێن خوە نادەت دیارکرن. ڤێ داویێ دا ڤیدیۆیا ھێڤیدار تربەسپی (ئالا خدر خەلەف) کو ل ئاڤاشینێ ژیانا خوە ژ دەست دایە هاتە پارڤەکرن، دەما مە بەرێ خوە دایی ڤیدیۆیا ئاخافتنێن وێ، هات بیرا مە کو چما پەکەکە دیرۆکا ژدایکبوونا وێ ئاشکەرا ناکەت.

د دیمەنێن کو پەکەکێ د مەدیایا خوە دا بەلاڤ کری و تێدا راگهاندی کو 4 گەریلایێن وێ ل ئاڤاشینێ ژیانا خوە ژ دەست دانە دا، دهێتە دیتن کو تەمەنێ ھەر چار گەریلایان د بن 18 سالیێ دایە.

 ئالا خدر کو دهێتە تەخمینکرن 14 سالییە، سەرەرای کو د وێنەیان دا بەحسا تەڤاھیا مالباتا خوە دکەت، لێ بەلێ دیرۆکا ژدایکبوونا خوە ئاشکەرا ناکەت.

تەڤلیبوونا کەسێن د ناڤبەرا 14-17 سالی دا

پەکەکە ھەموو زانیاریێن ناسنامەیا شەرڤانێن ژیانا خوە ژ دەست دایی، وەکە ناڤ و پاشناڤێ دروست، جیهێ ژداییک بوونێ و ئاگاهیێن مالباتی بەلاڤ دکەت، لێ بەلێ، دیرۆکا ژدایکبوونا وان دیار ناکەت و بەلاڤ ناکەت. سەدەما سەرەکی یا ڤێ یەکی ژی ئەوە کو پرانیا کەسێن ژیانا خوە ژ دەست دای د تەمەنێ د ناڤبەرا 14-17 سالیێ دا تەڤلی رێخستنێ بوونە. تەمەنێ کەسێن ژیانا خوە ژ دەست دای د ناڤبەرا 15-19 سالی دایە. دهێتە دیتن کو ئەڤ تەمەنێ ناڤنجی ب تایبەتی د سالێن داوی دا گەلەک کێم بوویە. پرانیا گەریلایێن کو د ڤان دەمێن داوی دا ژ ئالیێ دەولەتا ترکیێ ڤە هاتنە کوشتن د بن 18 سالیێ دا نە.

پەکەکە ژ بۆ ھەر گەریلایەکێ کو ل قادا شەری دا ژیانا خوە ژ دەست ددەت بەرنامەیەکێ پارڤە دکەت. گەریلا د ڤان بەرنامەیان دا بەحسا مالباتێن خوە، سەدەمێن بەشداربوونێ و ھتد دکەن، لێ کەس دیرۆکا ژدایکبوونا خوە ئاشکەرا ناکەت. ب گۆتنەکا دی، دیرۆکا ژدایکبوونا وان ب مەبەست ژ ئالیێ پەکەکێ ڤە دهێتە ڤەشارتن. پشتی کو ئەڤ زارۆکە دمرن، ڤیدیۆیێن وان ب موزیکەکا هەست بزوێن تێنە چێکرن و بەلاڤکرن.

رۆژاڤا: مەخزەنا شەرڤانێن زارۆک د دەستێ پەکەکێ دا

ب تایبەتی پشتی پێڤاژۆیا پێشکەتنا ل سووریا و رۆژئاڤا چێبووی، تەمەنێ گەریلایێن پەکەکێ ھێژ زێدەتر داکەت. پرسگرێکێن ئابۆری، بێکاری و بێ ئەولەھیا سبەرۆژێ یا ل رۆژئاڤا تەڤلیبوونا زارۆکان د ناڤا پەکەکێ دا زێدە کر. جوانێن تەمەنێ وان د ناڤبەرا 13-17 سالی دا دکەڤنە بن سەیوانا کادرۆیێن پەکەکێ یێن کو جل و بەرگێن جوان ل خوە دکەن و حەسابێ ژ بۆی کەسێ ناکەن. د ناڤا ڤان جوانێن د کامپێن پەکەکێ دانە، کەسێن کو پۆتانسیەلا وان ھەیە و دخوازن ڤەگەرن وەلاتێ خوە هەنە، لێ پەکەکە وان دشینن کامپێن قەندیل و گارەی. ھەر وەھا گەنجێن باکور کو د کامپێن پەکەکێ یێن باشوورێ کوردستانێ دانە و دخوازن ڤەگەرن مالێن خوە یان ژی ژ پەکەکێ قوت ببن، دشینن جھێن وەکە رەقا و شاھبا یێن دووری سینۆرێ باکورێ کوردستانێ. ب ڤی ئاوایی رێ ل بەر دەرکەتنا وان ژ رێخستنێ دهێتە گرتن. ب ئاوایەک دی ئەم دکارین ببێژین کو ب راستی ژی ئەڤ زارۆکە دیل تێنە گرتن.