مەدیایا فەرمی یا سووریێ راگه‌هاند کو شەڤا بۆری ئسرائیلێ هێرشی ناڤچەیێن دەردۆرا شامێ کرییە، لێ ته‌نێ زیانێن ماددی ل په‌ی هێرشێ هاتنه.
ئاژانسا سانا یا ده‌وله‌تا سووریێ به‌لاڤكر كو، دەمژمێر 12:56 خوله‌كێ شەڤا بۆری، ئیسرائیلێ ب مووشەکان پێگەهەک ل ناڤچەیا زاکییە یا دەردۆرا شامێ کرییە ئارمانج و بوویە ئه‌گه‌را زیانێ، ماددی.
ئیسرائیلێ دەربارێ هێرشێ وەک هەر جار چ داخویانیەک نەدایە.
ئیسرائیل ناڤ ب ناڤ ناڤچەیێن جودا یێن سووریێ دکەته ئارمانج و دبێژیت: ل هەر جهەکی گەفا ئیران و حزبوللا لوبنانێ هەبە، ئه‌و جهـ دێ ببن ئارمانج.
رۆژا شەمبیێ ئسرائیلێ چەند مووشەک هاڤێتن ناڤچەیێن دەردۆرا شامێ، سیستەما بەرەڤانییا ئاسمانی یا سووریێ ژی ل بەرامبەر وان هێرشان راوەستییا.
رۆژا 14ێ مه‌ها بۆری ژی فرۆکەیێن شەر یێن ئسرائیلێ ل باشوورێ سووریێ چەند پێگەهـ بۆردوومان کرن، ئسرائیلێ راگه‌هاند کو 9 چەکدار د وان هێرشان دا هاتبوونه کوشتن.
