سەرۆکوەزیرێ ھەرێما کوردستانێ مەسروور بارزانی پێشوازی ل سۆسیۆلۆجێ ناڤدار و دۆستێ گەلێ کورد پرۆف.در. ئیسماعیل بێشیکچی کر.
سەرۆکوەزیر مەسروور بارزانی ئیرۆ پێشوازی ل نڤیسکار و سۆسیۆلۆجێ ناڤدار و دۆستێ گەلێ کورد پرۆف.در. ئیسمایل بێشیکچی کر.
د ھەڤدیتنێ دا بەحسا خەبات و زەحمەتیێن بێشیکچی د بەرەڤانیکرن ل گەلێ کوردستانێ و دۆزا رەوایا گەلێ دا کر و بلند نرخاند.
سەرۆکێ حکوومەتا کوردستانێ ھەر وەھا بەحسا وێ یەکێ کر کو بێشیکچی ب نڤیساندنا گەلەک پرتووکان و لێکۆلینێن زانستی و ئاکادەمیک بەرەڤانی ل مافێن گەلێ کورد و گەلێن بندەست کریە.
ئیسمایل بێشیکچی ژی سپاسیا سەرۆکێ حکوومەتا کوردستانێ کر و بەحسا گرینگیا پەروەردە و مژارێن نیشتیمانی و چارەسەرکرنا پرسگرێکا کورد ل رۆژھلاتا ناڤین ب رەنگەکی ئاشتیانە و دادمەندانە کر.
ئەڤە چەند رۆژن پرۆف.در. ئیسمایل بێشیکچی ل ھەرێما کوردستانێ یە.
