ل پارێزگەھا نەینەوا، ھێزێن پێشمەرگە و ئارتێشا ئیراقێ دەست ب ئۆپەراسیۆنەکا ھەڤبەش ل دژی داعشێ کر.
سەنتەرێ مەدیایی یێ وەزارەتا پێشمەرگە دیار کریە، ئیرۆ دانێ سپێدێ ھێزێن پێشمەرگە و ئارتێشا ئیراقێ ل دەڤەرێن کوشافا ژۆری و کوشافا ژێری ل پارێزگەھا نەینەوا، ئۆپەراسیۆنەک ھەڤبەش ل دژی داعشێ دایە دەستپێکرن.
سەنتەری ئاشکەرا کریە، د ئۆپەراسیۆنێ دا ھێزێن ھەوایی یێن ئیراقێ و بالافرێن شەری یێن ھێزێن ھەڤپەیمانان ژی بەشدار بوونە.
ل گۆری ئاگاھیێن سەنتەری، ئارمانج ژ وێ ئۆپەراسیۆنێ، کو ھەتا نھا ژی بەردەوامە، پاقژکرنا وێ دەڤەرێ ژ تەرۆریستێن داعشێ یە کو دکەڤیتە ناڤبەرا ھێزێن پێشمەرگە و ئارتێشا ئیراقێ.
