چەکدارێن پەیەدێ 3ێ ئەندامێن پەدەکە-سێ سەربەست بەردان

چەکدارێن پەیەدێ 3ێ ئەندامێن پەدەکە-سێ سەربەست بەردان

پشتی چەند ھەیڤان ژ رەڤاندنێ و چارەنڤیسەکا نەدیار، چەکدارێن پەیەەدێ، سێ ژ ئەندامێن پارتیا دەمۆکراتا کوردستان – سووریا ژ زیندانێن خوە سەربەست بەردان.

رێڤەبریا پەیەدێ دوھی 5ێ جۆتمەھا 2021ێ ھەر یەک ژ:

1- محەمەد دەھام ئەیۆ، ئەندامێ دەستەیا راوێژکاریا پارتیا دەمۆکراتا کوردستان – سووریا

2- محەمەد ئەحمەد سالح ئەندامێ ئەنجوومەنا ھەرێمی یا پارتیا دەمۆکراتا کوردستان – سووریا.

3- بارزانی حوسێن، ئەندامێ ئەنجوومەنا شاخی یا پەدەکە-سێ سەربەست بەردان.

محەمەد دەھام ئەیۆ کو ژ باژارێ قامشلۆ، ھەروەھا محەمەد ئەحمەد سالح ژ گوندێ ئابرێ یێ دێرکێ و بارزان حسێن ژ ناڤچەیا گرکێ لەگێ یێ دێرکێ د 17ێ تیرمەھا 2021ێ ب تۆمەتێن دوور ژ راستیێ ھاتبوون رەڤاندن، دوھی سەربەست ھاتن بەردان.

ھەروەھا رۆژنامەڤان عەزەدین مەلا، ئەندامێ ئەنجوومەنا شاخ یا پارتیا دەمۆکراتا کوردستان- سووریێ ل باژارێ قامشلۆ د ھەمان دیرۆکێ دا ھاتبوو رەڤاندن د 4ێ تەباخێ دا سەربەست ھات بەردان.

ژ بلی ناڤبووری، ھەر یەک ژ عەبدولغەفار محەمەد ئەندامێ ئەنجوومەنا ھەرێمی د خوەجھیا شەھید نەسرەدین برک دا کو د 21ی نیسا 2021ێ دا ھاتیە رەڤاندن، و فەرامەرز عەبدولکەریم حاجی عەبدی کو ئەندامێ ئەنجوومەنا شاخی یا پەدەکە-سێ یە د 13ێ تیرمەھا 2021ێ ھاتنە رەڤاندن تا نھا ذ زانیاری ل سەر وان د دەست دا نینە، ئەڤ یەک د دەمەکێ دا دهێت کو ئەنەکەسێ لیستەیا ناڤێن رەڤاندیان پێشکێشی فەرمانداریا قەسەدێ کریە، ناڤێن د لیستەیێ دا ئەڤەنە:

1-  سەرکردە بەھزاد دۆرسن، ئەندامێ پۆلیتبیرۆیا پارتیا دەمۆکراتا کوردستان-سووریا-د 14ێ جۆتمەھا 2012ێ دا ل گوندەوراێ دێرکێ ھاتیە رەڤاندن.

2- چالاکڤان نیدال عۆسمان- د 24ێ جۆتمەھا 2012ێ ل گوندەوراێ دێرکێ ھاتیە رەڤاندن.

3- پارێزەر ئدریس عەلۆ-ئەندامێ رێخستنا عەفرینێ یا پارتیا دەمۆکراتا کوردستان-سووریا-د 8ێ مژدارا 2011ێ ل عەفرینێ ھاتیە رەڤاندن.

4- ئەحمەد سیدۆ- ئەندامێ رێخستنا عەفرینێ یا پارتیا دەمۆکراتا کوردستان-سووریا-د 9ێ جۆتمەھا 2013ێ ل تاخێ شێخ مەقسوودا حەلەبێ ھاتیە رەڤاندن.

5- فوواد ئیبراھیم-ئەندامێ خوەجھیا دێرکێ یا ئەنەکەسێ د 2یی ئادارا 2017ێ دا ل گوندەوراێ دێرکێ ھاتیە رەڤاندن.

6- چالاکڤان ئەمیر حامد-ئەندامێ رێخستنا سۆز یا جوانێن کورد د 11ێ چلەیا 2014ێ ل دربێسیێ ھاتیە رەڤاندن.

7- حەمید بابێ عادل-د 13ێ تیرمەھا 2012ێ ل قامشلۆ ھاتیە رەڤاندن.

تەڤی کو دانووستاندن ناڤبەرا ئەنەکەسێ و پەیەنەکێ دا دەست پێ کرنە و دیارکرنا چارەنڤیسا گرتی و رەڤاندیان مەرجەکێ سەرەکیە ل جەم ئەنەکەسێ ژ بۆ سەرخستنا دانووستاندنان لێ رێڤەبەریا پەیەدێ وێ مەرجێ پاشگوھ دکەت و تا نھا ل سەر نەدیارکرنا چارەنڤیسا گرتیان رژدە.