ل عەفرینێ 3 وەلاتیێن کورد ژ بەر کو ل دژی باجا زەیتوونان دەرکەتن ھاتن رەڤاندن

ل عەفرینێ 3 وەلاتیێن کورد ژ بەر کو ل دژی باجا زەیتوونان دەرکەتن ھاتن رەڤاندن

ل عەفرینێ 3 وەلاتیێن کورد، ژ بەر کو ل دژی باجا زەیتوونان دەرکەتنە، ژ ئالیێ کۆمێن چەکدارێن سەر ب ترکیێ ڤە ھاتن رەڤاندن.

ل گۆر چاڤکانیێن خوەجھی ژ ناڤا عەفرینێ دیار کرن، دەوریەکا پۆلیسێن لەشکەری و چەکدارێن فەیلەقا مەجد، چوونە سەر سێ مالان ل گوندێ گێلا ل ناحیا بلبلێ ل عەفرینێ و پشکنین کرن.

ل گۆر زانیاریان وێ کۆما چەکدار، پشت را موختارێ گوندی ل گەل دو کەسێن دی ب ناڤێ محەرەم سیدۆ بلۆ یێ 54 سالی و حسێن حەنان بەیرەم یێ 47 سالی گرتن و تەلەفۆنێن وان و یێن ئەندامێن مالباتێن وان ژی ژ وان ستاندن.

کامپینا گرتنێ پشتی وێ یەکێ دهێت کو خەلکێ گوندی ل دژی سەپاندنا باجێ ژ ئالیێ کۆمێن چەکدار ڤە ب تایبەتی فەیلەقا مەجد ل سەر بەرهەمێ زەیتوونان دەرکەتن.