بارۆیا شرنەخێ: دڤێت حه‌فزوللا کوتوم دەملدەست بهێته‌ ئازاد كرن

hifzulla-kutum-kurdistan (2)

بارۆیا شرنەخێ، داخواز كر کو ئاکادیمیسیەنێ زانکۆیا فراتێ حه‌فزوللا کوتوم، بهێته‌ ئازاد كرن و راگه‌هاند، دڤێت تویتێن حه‌فزوللا کوتوم، د چارچۆڤەیا رادەربرینا ئازادیێ دا بهێنه‌ نرخاندن و ئەڤ یەک ب چ ئاوایی نابنه‌ تاوان.

كارڤه‌دانێن ل دژی گرتنا ئاکادیمیسیەنێ زانکۆیا فراتێ حه‌فزوللا کوتوم چه‌ند پاشتره‌ به‌رفره‌هتر لێ دهێن.

دەربارێ گرتنێ دا بارۆیا شرنەخێ ژی ئاماژه‌ كر كو گۆتنا «بژی کوردستان» ب چ ئاوایی نابیته‌ تاوان و پێدڤییه‌ د چارچۆڤەیا ئازادییا دەربرینێ دا بهێته‌ نرخاندن.

بارۆیا شرنەخێ دبێژیت: د گۆتنا «بژی کوردستان» دا چ ئاماژه‌یه‌كا توندوتیژیێ نینه‌ و نابیته‌ ئه‌گه‌را ئالۆزیێن جڤاکی.

بارۆیا شرنەخێ ده‌ست نیشان كر کو دەما ل گۆری حه‌زێ مافێ ئازادیێ بهێته‌ سنۆردار کرن، ئەڤ یەک ل دژی پرەنسیبێن دەولەتا یاسایێ یە.

بارۆ رادگهینیت، زانکۆیا فراتێ و سەردۆزگەرییا کۆماری یا ئەلەزیزێ، یاسایێ بنپێ دکه‌ن و دڤێت دەملدەست حه‌فزوللا کوتوم بهێته‌ ئازاد كرن.