باله‌فرێن ده‌وله‌تا تركیێ د ئێریشه‌كێ ده كو ل چیایێ مه‌تیانیێ ئه‌نجام داییه، 4 گه‌ریلا هه‌ده‌ف كرن و ژیانا خوه ژ ده‌ست دان.
ل گۆری ئاگاهیێن كو وه‌زاره‌تا به‌رگریێ یا تركیێ ئیرۆ رۆژا سێشه‌می 9/11/2021ێ پارڤه‌كرنه، د ئێریشه‌كه هه‌وایی ده ل چیایێ مه‌تینایێ یێ باشوورێ كوردستانێ، 4 چه‌كدارێن رێخستنا په‌كه‌كێ كه‌تنه به‌ر مووشه‌كێن باله‌فران.
ده‌ست نیشان كر، ئه‌ڤ 4 چه‌كدارێن رێخستنێ ژیانا خوه ژ ده‌ست دانه.
رێخستنا په‌كه‌كێ ل ده‌ربارا ئێریشێ و ژ ده‌ست دانا گه‌ریلایێن خوه تو ئاگاهی به‌لاڤ نه‌كرنه.
ل ئالیێ دن، هه‌په‌گێ ئیرۆ داخویانی دا و ده‌ست نیشان كر كو ل رۆژا 4 ڤێ مه‌هێ، باله‌فرێن ده‌وله‌تا تركیێ بۆمبه ل كه‌شانێ باراندنه.
