ئاکادەمسیەن حەفزوللاھ کوتوم ھات ئازادکرن 

ئاکادەمسیەن حەفزوللاھ کوتوم ھات ئازادکرن 

پارێزەرێ ئاکادەمسیەن حفزوللاھ کوتوم مەھمەت ئەمین ئاکتار راگھاند ل سەر ئیتیرازا وان حەفزوللاھ کوتوم ھاتیە ئازادکرن.

ئاکادەمیسیەنێ بەشا مالیەیێ یا زانینگەھا فراتێ یا ئەلعەزیزێ حەفزوللاھ کوتوم ژ بەر پارڤەکرنێن مەدیایا جڤاکی  ب تۆھمەتا پرۆپاگاندایا “رێخستنا تەرۆرێ” رۆژا پێنجشەمبێ 5/10/2021 ھاتبوو دەستەسەرکرن و ژ کار ھاتبوو دوورخسستن.

پشتی دەستەسەرکرنێ رۆژا ئینێ 6/11/2021ێ ل سەر بریارا دۆزگەریا ئەلعەزیزێ حەفزوللاھ کوتوم ھاتبوو زندانیکرن.

پارێزەرێ حەفزوللاھ کوتوم مەھمەت ئەمین ئاکتار ژ سەر حەسابا خوە یا تۆرا مەدیایا جڤاکی یا تویتەرێ راگھاندیە ھفزوڵاھ کوتوم ل سەر ئیتیرازا وان ژ ئالیێ دادگەھا جەزایا گرانا ئەلعەزیزێ ڤە هاتیە ئازاد کرن.

جھێ بەحسێ یە حەفزوللاھ کوتوم کو ل بەشا مالیێ یا پەیمانگەھا زانستێن ئابۆری و ئیداری یا زانینگەھا فراتێ یا خارپیتێ (ئەلعەزیز) کار دکر، رۆژا 14ێ ئیلۆنا 2021ێ ل سەر حەسابا خوە یا تۆرا جڤاکی لگەل وێنەیەکێ مەلا مستەفا بارزانی پەیاما “شۆرەشا ئیلۆنێ ل ھەموو کوردان پیرۆز بیت. بژی کوردستان” بەلاڤ کربوو و ژ بەر وێ دەربارێ وی دا لێپرسین ڤەببوو و ژ کار ھاتبوو دوورخستن.

تەڤی کو هەژمارەک ژ پارتیێن ترکیێ نەرازیبوونا خوە ل سەر گرتنا حەفزوللاھ کوتوم دیار کر و ئەڤ کارە ب پێشێلکرنا یاسایێ ب ناڤ کر، لێ بەلێ هەدەپێ ت داخویانی و نەرازیبوون نیشان نەدان و هەیا نها ل سەر گرتن و ژ کار دەرکرنا حەفزوللاھ کوتوم بێدەنگە.