کی د وێ ترۆمبێلێ دا بوو یا دوهی ل قامشلۆ هاتیە ئارمانجکرن

کی د وێ ترۆمبێلێ دا بوو یا دوهی ل قامشلۆ هاتیە ئارمانجکرن

بالەفرەکا ترکیێ یا بێ پیلۆت (درۆن) ل باژارێ قامشلۆ یێ رۆژئاڤایێ کوردستانێ ئێریشێ ترۆمبێلەکێ کر و د ئەنجام دا 3 کەسێن د ترۆمبێلێ دا ژیانا خوە ژ دەست دان.

دوهی ئێڤاری 9/11/2021ێ دەردۆرا دەمژمێر 15:00 ل تاخا هلێلیێ یا قامشلۆ، درۆنەکا ترکیێ ئێریشی ترۆمبێلەکا ژ جوورێ تۆیۆتا رەنگ سپی کر و د ئەنجامێ دا 3 کەسان ژیانا خوە ژ دەست دان و ترۆمبێل ب تەڤاھی ھاتە شەوتاندن.

ھات زانین کو کەسێن ژیانا خوە ژ دەست دانە، یووسف گولۆ و 2 کورێن وی محەمەد و مەزلووم گولۆ نە. یووسف گەلۆ سیاسەتمەدارەک ناسکریە و باپیرێ سەرکردەیێ ھەسەدێ رێزان گولۆیە. ترکیێ ھەتا نھا چەند ئێریشێن ب ڤی ئاوایی ل رۆژئاڤایێ کوردستانێ ئەنجام داینە و ھندەک بەرپرسێن ھەسەدێ ژیانا خوە ژ دەست دانە.

بەرپرسێ راگھاندنا یەپەگێ سیامەند عەلی د تویتەکێ دا راگھاند، ئێریشا ترکیێ ب رێیا درۆنەکێ ھاتیە کرن و د ئەنجام دا سێ کەسان جانێ خوە ژ دەست دانە.

گەلەک شەھیدێن مالباتا گولۆ ھەنە، یووسف گولۆ ژی، کەسایەتییەکێ ناسکرییە ل رۆژئاڤایێ کوردستانێ، باپیرێ سەرکردەیێ ھەسەدێ رێزان گولۆیە. ریزان گولۆ د بەرێ دا وەکە بەرپرسێ بەرەڤانیێ د رێڤەبەریا خوەسەر یا رۆژئاڤا کوردستانێ کار دکر و د نها دا وەکە شێورمەندێ مەزلووم عەبدی کار دکەت.

هات زانین ترۆمبێلا ئارمانجکری ئا ریزان گولۆ یە، شۆفێرێ ترۆمبێلێ کو دبیتە یەک ژ کورێن یووسف گولۆ ب مەرەما گهاندنا بابێ خوە بۆ مالێ دەرکەتبوو، لێ د رێ دا ترۆمبێلا وان هات ئارمانجکرن و تێدا هەر سێ کەسان کو ژ ئێک مالباتن ژیانا خوە ژ دەست دا.

پوستێن ھەمان بەش