مامۆستا‌یه‌كا ترك: دێ كه‌مالیستێن بچووك ژ زارۆكێن كوردان ئافرینم

kemalist-turkey-kurd-zarok (1)

ل ناڤچەیا هاوەلێ سەر ب پارێزگەها سێرتێ یا باکورێ کوردستانێ، دەربارێ مامۆستایا کو ل سەر حەسابا خوە یا مەدیا جڤاکی گۆتبوو: «ئەز دێ بەشداری دەرسێ ببم و ژ هەڤالێن بچووک (خوەندەکاران) کەمالیستێن بچووک بئافرینم»، لێکۆلین هات دەستپێکرن.

مامۆستایا ب ناڤێ ز.چ کو د لیسەیا ئانادۆلێ یا ناڤچەیا هاوەلێ سەر ب پارێزگەها سێرتێ مامۆستاتیێ دکەت، ب هەلکەفتا سالڤەگەرا مرنا موستافا کەمال ئاتاتورک، ل سەر حەسابا خوەیێ مەدیا جڤاکی ل دەربارێ زارۆکێن کورد کو خوەندەکارێن وێنە پەیامەک بەلاڤ کر.  

ب گۆتنا وێ مامۆستایێ کو ل سەر حەسابا خوە بەلاڤ کرییە ئەو خوەندەکاران وەک «هەڤال» ب ناڤ دکەت و دبێژیت «ئەز دێ بەشداری دەرسێ ببم و ژ هەڤالێن بچووک (خوەندەکاران) کەمالیستێن بچووک بئافرینم».

پارڤەکرنا ڤێ پەیامێ ل سەر تۆرێن جڤاکی گەلەک نەرازیبوون ل پەی خوە ئینان و ل سەر تویته‌رێ بوو رۆژەڤ.

ل سەر نەرازیبوونان ژی رێڤەبەرییا پەروەردێ یا سێرتێ داخویانیەک بەلاڤ کر و راگه‌هاند کو وان ژ بەر وێ پەیامێ دەربارێ مامۆستایا ب ناڤێ  ز.چ لێکۆلین دایە دەستپێکرن.