ئەندامێ ئەنجوومەنا بلندا سیاسی و بەرژەوەندیێن یەنەکێ مەلا بەختیار، ل سەر تویتەرێ د دەربارێ ژەھریکرنا خوە دا پەیامەک بەلاڤ کر و وێ وەکە “نامەردترین پلان” بناڤ دکەت و دیار دکەت: “سزایێ مەشرووع چاڤەرێیی تاوانبارانە.”
مەلا بەختیار ئاشکەرا دکەت: “ئەز ژ نامەردترین پلانا ژەھریکرنێ رزگار بووم، تەنێ سەرشۆری و سزایێ رەوا چاڤەرێیی تاوانبارانە. بێگومان چ جاران ئەز دەست ژ مافێن خوە بەرنادم.”
ئەندامێ ئەنجوومەنا بلندا سیاسی و بەرژەوەندیێن یەنەکێ دەستنیشان دکەت، ئەو تاوانا ل بەرامبەر وی ھاتیە کرن، “تەنێ ژ بەر وێ یەکێ یە کو من چ تاوان نەبوونە و نینە، ژ بەر وێ یە کو نە گەندەلم، ژ بەر وێ یەکێ یە کو نە کەسەکێ ئالیگرم، ژ بەر وێ یە کو نابمە کۆلەیێ پلە، پایە و پارە.”
مەلا بەختیار دایە زانین: “ئەگەر ئەز بێ ھەلوەست بووما، نھا ژی دبووم خوەدیێ کۆمپانیا و ب ھەزاران دۆنم ئەردێ حەرام. “
پشتی وەرگرتنا چارەسەریا پزیشکی ل ئالمانیایێ، بریارە مەلا بەختیار، رۆژا شەمبیێ (13/11/2021) ل دەمژمێر 14:30 بگەھیتە بالافرخانەیا ناڤدەولەتی یا سلێمانیێ و ب گۆتنا وی “د مەراسیمەکا گرسەیی دا پێشوازی دێ لێ هێتە کرن.”
